【既方便又快捷？】薛凱琪都搭地鐵 Ella話：很想哭！
2014-10-09 20:30:00
最近好多星搭地鐵，因為港島部份地區封路，好似張智霖同袁詠儀兩公婆，郭富城同杜德偉都齊齊搭地鐵，個個都讚夠晒快添！直頭好似幫地鐵免費宣傳咁！
今日又加入多兩位「地鐵之星」，就係薛凱琪(Fiona)同官恩娜(Ella)兩個人不約而同話因為港島塞車，所以搭地鐵，薛凱琪仲拍咗條落地鐵站嘅片，好似前世未搭過地鐵咁，Ella話:「十五分鐘的車程！用了我兩小時…一整天都在遲到！我真的很哭！」
港島塞車，好多人就梗係覺得關「佔領」事啦，不過同時，亦有好多「挑通眼眉」嘅人發現港島路面情況唔多尋常喎，好似趙學而今個星期一咁，發現金鐘同中環一帶好多「鬼巴士」(新聞連結: http://hk.apple.nextmedia.com/enews/realtime/20141006/52987720) 周街行，放工繁忙時間好多架冇人坐嘅巴士周圍走，點解嘅呢?
噚日又有網民發現，下午1點幾喺東區走廊，由灣仔塞到太古，佢坐緊118，佔領期間一向都係用半個鐘就由到小西灣到紅磡，點解噚日會咁塞呢?去到北角碼頭段，謎底解開啦!原來路上面有過半數都係貨車泥頭車，呢個鐘數咁多貨車泥頭車?最恐怖係，全部貨車都冇載貨，去到銅鑼灣，又有道路維修，但一架機器都冇，但就一霸霸兩條行車線，做乜呢?
今日亦有網民話:「灣仔地鐵都係，呢幾日都要控制人流而封閘，封到閘外的人多到蟻竇咁，閘入面就鬼咁少人。我星期一迫左入閘之後完全兩個世界，個欄的左右兩邊一邊多人到喊一邊得小貓三四隻，都唔知封黎有咩居心。平日放工時間都係咁多人ga 啦，又唔見佢封，而家封左反而搞到入唔到閘的人以為月台迫爆，其實就少人過以前」
「鬼巴士」、「幽靈泥頭車」同「人流控制」都出動啦，唔知大家仲見過咩奇景呢?
所以塞啦，但點解會有咁多呢啲泥頭車呢?
原來路面上有好多冇裝貨嘅泥頭車走來走去
網民昨日觀察，點解港島塞車呢?
今日Ella因為塞車搭地鐵。
可能搭地鐵冇嘢做唯有自拍
Ella instagram
再自拍
網民今日觀察，點解會塞車呢?
Fiona直情拍片落地鐵
難道佢前世未搭過地鐵?
|
鍾意就快D Share啦！
|
|
|
