2014年10月15日 星期三

[FACE 386] 有情有義 新劇變倉底 蕭正楠跪求放生翠如 BB 翠如,蕭正楠,黃翠如,MF,




年初已拍完的《師奶 madam》令蕭正楠和翠如 BB撻着,不過此劇卻因高層內鬥而播映無期,為自己為條女,蕭正楠出口術求放生都合情合理。

真面目

有情有義 新劇變倉底 蕭正楠跪求放生翠如 BB

自余詠珊入主大台後,幾乎將半個有線搬入將軍澳,一堆如陸浩明、衞志豪、梁嘉琪等愈撈愈有,但最得寵一定係洪永城和黃翠如。可惜近月二人已經少有在大台現身,只因高層曾勵珍將出手,余詠珊愛將通通 out走冇劇拍。

年初黃翠如因接拍《師奶 madam》跟蕭正楠撻著,以為二人可以情侶檔現身宣傳,可是《師》劇遲遲未有播期,據知嚟緊舉行的節目巡禮亦未有女友蹤影,蕭正楠為救女友,不惜主動搵珍姐幫手求放生,所以話,愛情係偉大的。

翠如 BB同蕭正楠撻着之初仍然係人氣高企,難得 BB唔怕公司鬧仲同男友去睇演唱會兼行沙灘,如今女友落難,蕭公子力撐女友,小情侶抵讚。

《蘋果日報》圖片

32歲黃翠如自去年加入大台後,憑余詠珊愛將之名極速上位,先後孖住洪永城拍過幾次旅遊節目,即榮升女一連拍 5劇,可惜大台戲劇總監曾勵珍決心要打壓余詠珊幫派,自年初黃翠如以女一身份拍畢《師奶 madam》後即無劇開,樂得清閒的她近月陪蕭正楠四圍拍拖解悶。

男友出口救亡

原先強勢的黃翠如近月只有幾個活動和主持綜藝節目《我係小廚神》的工作,而已經拍好的《師奶 madam》卻遲遲未有播期,新劇本更加不用多說,據知即將舉行的節目巡禮亦冇翠如 BB份,蕭正楠終睇唔過眼,知道 12月有期,即搵珍姐傾計。

上週五( 10日)本刊向蕭正楠求證《師》劇播期,他以信息回覆:「我也很想知……期待。」蕭公子你當紮中,珍姐點都睇住你嘅。

《走過足球聖地》已經喺 6月播完,之後洪永城和翠如 BB只係出席咗幾次活動後就無再合作,洪永城有得參與新劇《張保仔》,都係好彩執因病入院嘅黃浩然二攤咋!

電視圖片

劇無得拍,但余詠珊都唔會睇住翠如 BB死,近排就安排佢拍住 Bob主持《我係小廚神》,幫愛將 keep住曝光。

因為余詠珊關係,翠如 BB做女一的《師》劇被雪到無影,蕭正楠係曾勵珍愛將,今次愛將親自出聲,珍姐肯唔肯放翠如 BB一條生路呢?

余詠珊

又係時間估視后

小生、花旦捱咗成年,年尾如搏到個視帝或者視后,下年叫價即刻加價!除咗工作表現,個人因素都好關鍵,好戲,未必有星運!

佘詩曼

代表作:《使徒行者》

得獎機率: 70﹪

去年離開大台簽約 TVBC(翡翠東方),佘詩曼現與大台以部頭形式合作,開始減產的她今年難得肯拍劇,大台誓必以視后利誘佘詩曼翻簽。

徐子珊

代表作:《點金勝手》、《再戰明天》

得獎機率: 30﹪

雖然只得 2劇,但《點金勝手》和正播出的《再戰明天》都獲好評,只攞過一次「我最喜愛電視女角色」的徐子珊,去年《 My盛 Lady》撻 Q,今次再爭過。

鍾嘉欣

代表作:《大藥坊》、《飛虎 II》

得獎機率: 10﹪

鍾嘉欣近年表現漸見成熟,可惜前年已跟大台簽多 8年合約,預咗你飛唔甩,試問大台又點會俾獎嘉欣 BB呢?



鍾意就快D Share啦!
Related Posts Plugin for WordPress, Blogger...