全城熱爆的娛樂八封新聞 & 時事趣聞 & 生活 + 趣聞
苟芸慧着住 3吋斗零踭，連拉鏈都拉唔埋，結果上台差啲仆親，好彩有人扶住唔使出洋相。
苟芸慧上週二（ 7日）出席電影首映禮，睇落身形消減番少少，但仍然相當圓潤。不過苟姑娘可能以為自己瘦番晒，着咗對斗零踭高跟鞋出嚟，仲因為腳腫腫塞唔落對鞋拉唔到拉鏈添，喺力學上嚟講係超級牙煙，結果喺佢行上台準備大合照，竟然成個失重心幾乎趴落前排藝人度，幸好幾名壯男扶住咋，但係苟姑娘已超尷尬，嗱嗱聲走去後排企囉陰公豬！
活動之後，苟芸慧鞋都冇換就坐的士返屋企，行得穩穩陣陣，希望佢快啲瘦番，健康啲再見人啦。
被問到體重問題，剛剛從韓國返嚟嘅苟姑娘就耍太極話：「韓國食物好健康，個病有進展，返港感覺好亂，希望可以和平。」跌一跌連思覺都像已失調，返去吓
