2014年11月14日 星期五

[忽然1周 - 1007] 周渝民驚變梁朝偉 梁朝偉,朝偉,MW,




仔仔依家個樣同初出道時都變化幾大,近年反而愈嚟愈似梁朝偉㖭。

媽咪姐

周渝民驚變梁朝偉

台灣男星仔仔周渝民之前自爆曾患憂鬱症,不過依家已經好番啦。日前,媽咪姐喺電影《單身男女 2》首映上面見到仔仔,佢成個人開朗咗好多喎﹗仲愈睇愈似梁朝偉㖭,無論講嘢抑或笑都有偉仔神髓。最搞笑係當佢耷低頭扁嘴笑嗰一下,哈,竟然又有啲似劉德華喎﹗







周渝民今次喺《單身男女 2》入面飾演高圓圓阿哥,一個由法國移居香港嘅設計師,浪漫、不羈嘅帥哥,一片丹心向楊千嬅。 33歲嘅周渝民已經唔再係當年《流星花園》嘅憂鬱男囉!

仔仔除咗似梁朝偉外,有時某些角度,即如個鼻,同華仔一模一樣,都幾有趣。

媽咪姐唔講,大家估吓呢張微博相中人係仔仔定偉仔?不過估中都冇獎。(謎底在本頁找)

喺《單身男女 2》入面,仔仔飾演浪漫多情男,要同千嬅鍊車又跳海。

謎底:周渝民



鍾意就快D Share啦!
Related Posts Plugin for WordPress, Blogger...