2014年11月13日 星期四

[壹週刊 - 1288] 節目巡禮 大台放生胡杏兒 杏兒,胡杏兒,M1,




阿佘企花旦中間靚位,隔籬係《老表,你好 hea》嘅郭晉安,就快完約嘅胡杏兒,企位靚過馬國明同徐子珊,大台果然出盡誠意留人。

同你吟一吟

節目巡禮 大台放生胡杏兒

就算大台小生花旦一再流失,一年一度嘅節目巡禮,無綫點都會 call齊全台藝人返公司,招呼客戶老細,幫手拉客。

邊個可以企第一行中間位,往往代表佢响大台嘅地位。當日能夠霸到好位,有陳豪同佘詩曼,而盛傳明年初滿約,就會同無綫分手嘅胡杏兒,繼續有份企第一行,阿佘隔籬再隔籬,只係隔咗個郭晉安,算係靚位;反而响台慶劇《名門暗戰》孭重飛嘅胡定欣,係就係第一行,不過大斜角靠邊,枉費佢花功夫大 deep V現身。

節目巡禮亦係花旦鬥秒殺戰場,不過今年嘅長腿同事業線能見度,錄得有史以來最低。以往有肉唔怕晒嘅長腳蟹呂慧儀,做咗媽咪加上未完全修身,打扮只能夠保守,至於「殼王」新寵高海寧,雖然條裙前面係大 V,不過心口加條三角形大鑽石鏈,露咗等於冇露。

高 Ling遮遮掩掩,至於周身肉嘅苟姑娘苟芸慧,貼身魚尾裙晚裝將水桶腰昇華到另一個境界,連早已經放棄減肥嘅欣宜,都 fit過佢囉!

苟姑娘身形一發不可收拾,仲要著條令佢更加「凸」出嘅魚尾裙,我忽然覺得,欣宜好 fit。

又 V又露腰,不過高海寧响心口加條大三角鑽石鏈,明明睇到,變咗睇唔到!

做咗媽咪,加上未修好身,昔日點都會讓半球嘅呂慧儀,今年,保守晒!

花旦係咁走,胡定欣隨時候命上位,但節目巡禮當日,居然俾人安排企大外檔,件 deep V嘥晒!



鍾意就快D Share啦!
Related Posts Plugin for WordPress, Blogger...