掃呢頁CODE去手機

2014年11月13日 星期四

[FACE - 390] 戲如人生 抄足傅嘉莉  Coffee的士攬啜肥叔叔 傅嘉莉,林芊妤,Coffee,MF,




Coffee穿上惹火紅色低胸裝,輕易露出 4吋事業線,不過着住對 5吋高踭鞋跑街,真係少啲武功都唔得,好彩 Coffee做慣瑜伽咋!

真面目

戲如人生 抄足傅嘉莉  Coffee的士攬啜肥叔叔

憑「殘廁 gathering」一炮成名嘅 Coffee(林芊妤),工作同人氣倍增,離開大台,一樣撈得掂。

最近傳出有猛料背景嘅「上海仔」郭永鴻力追,又話 Coffee升呢做埋馬主,之後又話「上海仔」將愛駒收回名下, Coffee人財兩失乜乜乜。點都好,實情係 25歲 Coffee仲要繼續捱,最近接拍新戲《壹獄壹世界:高登闊少踎監日記》,飾演小三喺的士攬啜肥叔叔添!咦,同之前傅嘉莉喺的士錫錫叔叔似到足喎!

除咗教瑜伽, Coffee最近亦好積極復出幕前,雖然之前講過唔再拍情慾戲,但在新片都豁埋出去,肉搏王宗堯。



Coffee喺的士攬啜肥叔叔呢一幕,相信大家都一定會有種似曾相識嘅感覺囉!



Coffee雖然事前唔知要咀肥叔叔,不過埋位時都一樣交足功課,冇 hea㗎!

拋胸跑街

當日傅嘉莉被拍到喺的士攬啜肥叔叔,事後佢仲堅稱只係角度問題,並冇做過任何越軌行為喎!真係信不信由你。

《蘋果日報》圖片

上週五( 6日),《壹獄壹世界》劇組去到銅鑼灣開工,講 Coffee密會一名富豪肥叔叔兼瘋狂 shopping。 Coffee當街當巷着住紅色低胸裙,又露出四吋事業線,男人行過都忍唔住望多兩眼。

雖然着低胸又着住對 5吋高踭鞋,但導演叫佢跑, Coffee都冇扭計跑到甩鞋,之後仲臨時加插一場戲,要 Coffee喺的士內攬啜肥叔叔,可能擔心對手太刺激,拍完之後, Coffee好貼心扶實肥叔叔落車。之前講過唔再拍激情戲, Coffee就解釋:「因為有朋友鼓勵,自己又有鋪戲癮先接咋。(的士呢幕驚唔驚影射傅嘉莉?)我都係到場先知有鍚呢一幕,雖然有啲似近排嘅新聞,自己個心都有唔舒服,不過我都係做嘢啫,相信佢(傅)都會明白嘅。」

當日男主角王宗堯唔使同 Coffee對戲,自己就攝影師上身,攞埋個私家鏡頭幫 Coffee留倩影添!上次自己拍裸跑戲有冇影埋呀又?

唔只做攝影師,王宗堯仲買埋外賣探班,睇下 Coffee個樣幾冧!

拍晒自己戲份, Coffee先敢食隻雞脾當 lunch,佢話怕上鏡肥喎!

同「上海仔」冇聯絡

前排 Coffee生日,猛人「上海仔」郭永鴻喺澳門幫佢大搞生日,之後 Coffee仲被指升呢做馬主。

《蘋果日報》圖片

「殘廁 gathering」之後, Coffee竟然密密賺,緋聞亦開始傳過不停。最先傳出「上海仔」郭永鴻喺澳門幫 Coffee搞生日會,隨即 Coffee就離奇榮升馬主,事件曝光後,馬主登記人又改番郭永鴻。

對於黐上「上海仔」傳聞, Coffee說:「我同郭先生都已經冇聯絡,同佢又唔係朋友,只係見過一、兩次,佢又唔係追我,所以都唔想影響人啦。」



鍾意就快D Share啦!