大陸搵錢，香港使，爽 YY！
同你吟一吟
大佬 B大步𨂾過
自稱過去十年，登台去勻國內四分三地方嘅大佬 B吳志雄，早個禮拜返咗嚟香港，仲走去銅鑼灣一間相熟電話鋪買嘢吹水， hea咗成個半鐘先走人。
近年好少喺港片出鏡嘅大佬 B，新作係黃秋生孭飛嘅《大茶飯》，有指秋生因為強烈支持佔中，已經俾國內有關單位列入封殺名單，《大茶飯》就因為一早出咗准映證，所以可以喺內地上，只係海報唔可以有秋生個樣；部戲就話大步𨂾過，但上埋呢套戲後，有關方面就會正式公布封殺黃秋生。
至於話尊重仔女個人意願，冇阻止佢哋上街，仲提議示威者改去啲唔擾民阻街嘅地方示威嘅大佬 B，嚟緊會再返大陸同山雞（陳小春）一齊開工，繼續賺人仔。
|
鍾意就快D Share啦！
|
|
|
