掃呢頁CODE去手機

2014年12月19日 星期五

[忽然1周 - 1012] 炫富混血童星 西蒙子俾成龍睇中 成龍,MW,




西蒙子係幾可愛嘅,但加埋佢孭住嘅 MCM背囊,少咗啲童真囉。土豪嘅世界連幾歲人仔都用名牌,真係潮啲咩?

媽咪姐

炫富混血童星 西蒙子俾成龍睇中

為家事煩到爆嘅成龍,呢排忙住為佢套賀歲片《天將雄師》宣傳,睇佢都幾頻撲。之但係,媽咪姐留意嘅並唔係成龍,而係片中飾演古羅馬小王子、只有 6歲嘅英中混血兒西蒙子。呢位童星近日都幾紅吓,話說喺湖南衞視熱播嘅《一年級》真人騷,搵咗 7個準備升小一嘅小朋友,同實習班主任陳學東去寄宿學校生活,其中一位就係佢。由 1歲開始已經成日上電視嘅西蒙子,睇個樣見慣世面,仲周不時孭住佢個名牌 MCM袋出嚟,好土豪呀!

成龍新寵

拍電影《天將雄師》嗰陣,西蒙子正值換牙,搞到要戴假牙開工,不過拍拍吓就甩出嚟,同佢有對手戲嘅成龍,就教佢秘訣,方便拍攝。

人肉梳化呢啲嘢,唔係只限大人嘅世界嘅。睇吓西蒙子俾小妹妹集郵,都係兩個人坐一張櫈㗎!



鍾意就快D Share啦!