掃呢頁CODE去手機

2015年1月14日 星期三

貪靚岑潔儀 臨盆前一味掛住扮靚 岑潔儀,潔儀,




唔知係咪因為用咗好多時間扮靚嘅關係,無咩點化妝嘅佢望落好容光煥發喎。

next 1/1 pre

老公扶落車。

next 1/1 pre

落車都要撥一撥頭髮先。

next 1/1 pre

老公幫手拎手袋。

next 1/1 pre

兩口子笑晒口齊齊受訪。

next 1/1 pre

仲有唔使幾耐,岑潔儀同佢老公就可以見到個BB喇。

next 1/1 pre

岑潔儀大住個肚都一樣咁FIT咁靚。 (資料圖片)

next 1/1 pre

藝人岑潔儀啱啱喺老公仔Dixon嘅陪同之下,現身香港港安醫院。原來岑潔儀揀咗14日凌晨12點幾一點開刀,迎接囝囝Damian Chin。

岑潔儀坐七人車現身醫院,並由老公陪同下下車,在醫院受訪期間,Dixon全程幫老婆仔拎住個袋,又扶老婆落車,相當體貼。岑潔儀一見記者即大叫緊張,並透露會盡餵人奶:「辛苦啲都盡量自己餵啦。」而同老婆一樣咁緊張嘅Dixon,就話預備咗神秘禮物送畀老婆,搞到岑潔儀鬼咁驚喜,仲大叫起上嚟。問到會否再追多個女湊成個好字,二人異口同聲謂:「暫時無計劃,等呢個大小小先啦,都唔知湊唔湊得掂。」

笑言生仔似卸貨

而喺今日嘅晏晝,岑潔儀接受咗《東網》嘅獨家訪問,笑言心情愈嚟愈緊張嘅佢,原來成個晏晝都喺度出盡力咁扮靚,真係「與眾不同」,佢笑言:「緊張呀,愈嚟愈緊張呀,時間愈嚟愈近,其實本身一啲都唔緊張,好輕鬆,因為好似卸貨咁樣。但係好似時間愈嚟愈逼緊,好多朋友SEND MESSAGE畀我。」

坐月堅決唔洗頭

她續說:「但我依家仲敷緊MASK同推緊腳,喺度扮緊靚,陣間仲會出去洗埋個頭就去醫院架喇,因為坐月我諗住成個月唔洗頭,咁諗住出SALON洗徹底啲同乾淨啲。點都要KEEP住扮靚嘅宗旨,成為最潮大肚婆。」岑潔儀坦言凌晨開刀好貴,手術費與其他費用均為double,但為B仔前途無計,她更笑謂:「唯有節食縮食(有無請陪月?)有。」問到囝囝為何叫Damian,岑潔儀笑謂:「因為我老公(Dixon)個英文名係D字頭,所以我哋諗咗幾個D字頭嘅英文名,咁BB聽到Damian呢個名就係咁踢,所以我哋改咗呢個名,佢同老公一樣都係叫DC。(中文名呢?)暫時未諗。」



鍾意就快D Share啦!