全城熱爆的娛樂八封新聞 & 時事趣聞 & 生活 + 趣聞
自從 Sukie由台灣回流返港，簽埋英皇做歌手後， Sherman拖住出街嘅，已經係細妹 Sukie多過男友吳浩康喇！
知言上星期四（ 8日）喺中環行街，突然見到鍾舒漫拖住另一個髮型超爆嘅女仔，佢全程帶住口罩，全知言望多兩眼先知佢係細妹鍾舒祺（ Sukie），期間家姐除咗拖實阿妹外，兩人又有講有笑，睇嚟感情堅好。
其實近排由兩姊妹合作嘅快歌〈 SS14〉唱到街知巷聞，仲喺唔同頻道攞到冠軍歌寶座，雖然全知言唔太識欣賞，不過都好支持本地創作，有番咁上下唱功嘅 Sherman同 Sukie，希望會繼續作歌
Sukie揹個袋都大過人嘅！乜出個街真係有咁多嘢拎？
Sukie回港後， Sherman就一直拍住妹妹出席活動，而 Sukie嘅打扮就明顯比家姐潮好多。
09年 Sukie曾隻身飛咗過台灣參加當地歌唱比賽《超級偶像》，當時嘅佢穿晒鼻環都好前衞。
