2015年1月28日 星期三

[FACE - 401] 恨入行 瘋狂發明星夢  689女齊昕速拍護膚品廣告 689,齊昕,梁振英,MF,




上週四( 22日),梁齊昕當正自己星一樣,對住記者喪撥頭髮擺 pose,又將件毛毛背心外套除完又着,着完又除,務求要搶到鏡為止;仲不忘拿着她認為最靚、印有「 Chai」字樣的手袋。

真面目

恨入行 瘋狂發明星夢  689女齊昕速拍護膚品廣告

23歲特首女梁齊昕,言論行為超惹火,曾經𠝹手自殘、留言疑似想跳樓,又試過同杜汶澤及一眾網民開火互插,夠晒娛樂性。

原本在英國名校倫敦政治經濟學院讀法律的齊昕,突然停學 1年,回港發展。近日更高調接受雜誌訪問,上週出席時裝活動,自爆對娛樂圈有興趣,亦有機會接拍廣告,無需理會第一家庭形象,做乜都得!

據知已有一個護膚品廣告想搵齊昕拍,雖然當事人仲未應承,不過有得出鏡又可以變靚啲,就算 689同龍蝦媽反對都阻止唔到







齊昕自爆同母親唐青儀嘅關係時好時壞,但記得細個發燒時,阿媽都曾經對佢溫柔過!網上圖片

上週四( 22日),甚少出席公開活動的 CY女梁齊昕,忽然現身一個時裝騷,期間竟然瘋狂擺 pose搶鏡,撥髮嘟嘴托頸乜都做齊,連同場的周汶錡、 Ana R.都冇佢咁進取!

唔理父母反對

齊昕不顧形象經常同網友開火,亦因此成為攻擊對象。最新惡搞圖,係嘟嘴可愛 look慘變馮淬帆喺《精裝追女仔》入面個收縮水 look!網上圖片

輕易成為全場焦點的齊昕,接受訪問時自爆考慮拍廣告或者行騷,「要睇吓佢哋搵我做乜,內衣騷就唔會喇,如果係泳衣騷睇吓係咪 one-piece定其他!(父母會否反對?)唔知,冇乜同佢哋溝通。」

據知現時已有廣告商對齊昕有興趣,希望可以成為第一間搵到特首女拍廣告的品牌,希望搶飲頭啖湯的是一個護膚牌子,據聞是找齊昕拍攝一輯平面廣告。雖然齊昕非常恨入行,亦唔介意父母支唔支持,但始終要考慮自己的形象會否影響父親的政治前途,因此仍未落實接拍,但都非常大機會。

執靚做訪問

其實齊昕早前被爆曾經自薦做 model,她與 model公司的對話及隨電郵寄出的一批生活照更被流出,事後齊昕否認主動𢱑撈,「呢件事被誇大咗,我從來都冇興趣,只係有人搵我,我禮貌地覆番。」不過電郵中連身高三圍等都詳細寫埋, 34C齊昕真係好有禮貌喎!

未知係咪會做廣告主角,但齊昕近日密密接受傳媒訪問,大方公開與父母的關係及自己的心底話,似為以前的癲喪行為洗底;而且齊昕搵到周汶錡同關之琳的星級化妝師 Omix幫佢執靚個樣,九成係為入行鋪路

曾經公開話父母鍾意做公關騷的齊昕,不時會將家庭生活照放上 ig,睇落又唔似被迫吖!網上圖片

自認反叛又任性,齊昕嘅 ig同 fb有唔少私相,有肉緊唱 K,亦有濃妝伸脷相,唔知有冇人會當佢係女神呢?網上圖片

集郵女郎

黐城城

去睇城城演唱會,都要入後台影張合照先心滿意足。網上圖片

挨周董

外國留學嘅齊昕,都鍾意聽周董,仲請對方食埋波餅添呀!網上圖片

讚爾導

齊昕放咗 3張同大導演爾冬陞嘅合照上 ig,大讚對方非常出色,而爾導就話齊昕有問佢娛樂圈嘅嘢。網上圖片

想做周汶錡??

齊昕嘅母親鍾意扮龍蝦周街行,估唔到齊昕都鍾意「參考」造型。專登搵星級化妝師 Omix B.(梁梓晉)幫手執番靚個 look, Omix B.客仔仲有關之琳同甄子丹,粒粒巨星。睇番齊昕以前啲相,發現佢成日扮周汶錡,咁啱 Omix係周汶錡御用化妝師兼老友,睇嚟 23歲嘅齊昕真係搵啱化妝師喎!

齊昕喺 fb多謝 Omix(右圖)幫佢執靚咗,仲自嘲未化妝時成個巫婆咁款!

網上圖片

網上圖片



鍾意就快D Share啦!
Related Posts Plugin for WordPress, Blogger...