全城熱爆的娛樂八封新聞 & 時事趣聞 & 生活 + 趣聞
行行吓，香香突然企喺轉角位㩒電話，唔通迷咗路要 google？
大台上位花旦岑麗香，入行短短 4年已經做女一。記對白做戲都好過唔少花旦，但估唔到佢記對白叻，現實生活原來好大頭蝦。上週三（ 21日）全知言喺銅鑼灣行街，突然見到一個女仔帶黑超，經驗話我知應該係明星，望多兩眼原來係香香。見佢一條友玩住手機行街，全知言梗係去睇下佢啦，香香仲幫襯炒栗子，買咗成 30蚊一大包，點知香香畀咗錢就突然失魂掉頭走咗，要炒栗子大媽大叫：「靚女漏咗嘢呀！」先識返轉頭攞。咦！問香香借錢，佢會唔會唔記得追？
香香明明畀咗 30蚊買栗子，但突然間好似完全失憶咁。
要栗子大嬸大叫「靚女」，香香先回魂攞返袋栗子。
女神其實好寂寞，唯一陪行街嘅就係自己部手機。
