做咗「世界第二」即刻升晒呢，李成敏上週二仲嚟香港拍電影，戲中主要對手係隻哥基犬，原本有泳衣戲又 cut埋，紅咗唔肯露原來全世界一樣。
爆 Like王
「世界第二靚」性感無極限 Clara李成敏：全裸要睇角色
勾結外國勢力有咩好？就係極速彈起囉。好似 29歲李成敏 Clara喺韓國只係普通性感廣告女（代表作：韓國雪碧廣告），但自從被美國《 MODE》雜誌選為世界第二美女後，即成亞洲區宅男女神。
上週二（ 20日）仲嚟香港拍電影《哥基王子》，做好準備騷性感北上掘金， Clara話好榮幸可以跟 Angelina Jolie同 Scarlett Johansson同級， Clara仲話自己拍電影冇底綫，全祼、半祼都得，但要睇劇本角色。 Clara咁索全因勤力，日做兩小時健身，戒甜、鹹、辣，難怪佢自己都話：「我不是天生性感！」
F：被選為世界第二美女有咩感覺？
Clara：我感到自己好特別，我不能夠相信被選為全世界最美女性第二名，好榮幸兼驚訝可以同 Angelina Jolie、 Scarlett Johansson並列，而我選為第二名這個是我的榮譽。
F：你記得第一名係邊個嗎？
Clara：我不記得她的名字，但我知道係一個非常出名的 model。
（編按：第一名是美國女模 Tania Marie Caringi）
F：點解想成為性感偶像？
Clara：我唔係想成為性感偶像，我現在給觀眾的形象是性感，但其實我是有不同的性格特徵，有不同的形象。觀眾可以透過我的作品好似電影、電視看到我不同的形象，我想展示自己不同的形象就是我的工作，我想自己不是天生性感的。
F：有咩保持身材嘅秘密方法？
Clara：我鐘意重力訓練，有 personal trainer訓練，我會去健身室做運動，同時也會控制飲食習慣，我不會吃太甜，太鹹，太辣食物。太夜我不會吃東西，我盡量晚上 7點前食飯，我相信全部關於習慣，你每日都做運動，飲食又健康，還有正面的想法。我好 enjoy工作，即使幾忙都好，只要有時間，我每日都會去做兩小時健身。
李成敏被美國雜誌《 MODE》選為世界第二，第一位係美國模特兒 Tania Marie Caringi（左），唔識都唔奇，入圍好多都唔係熟悉嘅面孔，第四係《神奇 4俠》透明女 Jessica Alba（中下）、第五位係 Victorica Secret model Alessandra Ambrosio（右下）。
F：會接受半裸或全裸拍電影？
Clara：要視乎角色同哪類型電影，但我的父母就不想我拍太性感的角色，不是他們不想我成為性感偶像，他們只是比較擔心我吧！
我覺得性感應該源自正能量，要有正確的思想，給人一種正確的態度，我覺得性感不單只流於視覺層面。我知很多人只集中在我身材上，但你們會在這部電影看到我的性格，不單只只有性感，戲中我是一個好癲又好有自信心的女子。
F：你鍾意和最憎邊種男仔？
Clara：我會看一個男仔的性格，我鍾意一些令我開心的男仔，保持樂觀積極的性格，識關心別人同有愛心，我反而不是太緊張外表。最憎呀？我想沒有，我不會留意一個人的缺點，我會嘗試欣嘗每一個的優點。
|
鍾意就快D Share啦！
|
|
|
