[FACE - 401] 多口味 男神轉性？ hehe團夜蒲 王宗堯： he、 she、 it都得 王宗堯,BKD_S,MF,

型男 Xavier

王宗堯原來唔只女性朋友多，連男性朋友都唔少，不過佢話就算同男仔玩到好激，相信大家都唔會誤會佢係「 hehe」。

真面目

多口味　男神轉性？ hehe團夜蒲　王宗堯： he、 she、 it都得

無懼被封殺而現身金鐘支持雨傘運動，其後更憑《選戰》張癸龍一角榮升男神嘅王宗堯，人氣飆升帶挈工作量大增，收入幾級跳，男神仲話儲緊彈藥買磚頭自住添！

身為男神，身邊唔憂冇女，話就話同 Coffee和小三 Ruby傳過緋聞，不過統統都係無米粥。上週二（ 20日），本刊撞見王宗堯孖住一位型男食飯夜蒲直落，眼見好密友 feel喎，唔通轉性玩 hehe？王宗堯回應本刊：「咁我 he、 she、 it都得㗎！」吓？真係多口味到咁呀？

其他影片：>>男女通吃轉性 hehe？　王宗堯： he、 she、 it都得！

王宗堯最近密密拍廣告，有護膚產品、又有電鬚刨，話咁快就儲到首期

入行 12年嘅王宗堯拍過唔少電影，早前仲為新戲《壹獄壹世界：高登闊少踎監日記》豁出去喺街上裸跑，加上佔中男神，本來已經有一班女 fans，最近仲多咗班男 fans添！

男女通吃

多得男神稱號帶挈，王宗堯成為廣告新寵兒，收入幾級跳升，仲有望買樓自住。

做得男神，朋友自然多，上週二（ 20日），本刊就撞見王宗堯相約一位型男食飯加夜蒲直落，唔通冇女埋身要玩 hehe？本刊週一（ 26日）致電王宗堯，他解釋：「嗰晚有位台灣朋友嚟咗香港，咁啱有個朋友，以前都喺台灣住，所以叫埋佢一齊食飯。（一齊返屋企？）佢係我喺台灣識嘅香港人，做咗好耐兄弟，佢𠵱家都喺香港做演員，叫梁國堅（ Xavier）。（驚唔驚被傳 hehe？）哈哈，𠵱家興啫！不過都唔使傳呢啲嘅！ fb有啲留言話我男女通吃，覺得好好笑，咁我 he、 she、 it都得㗎！不過我唔係，我好鐘意女仔㗎！（近排收入多咗，會唔會搬離唐樓？）多得《選戰》，多咗 event同廣告，收入都正常，希望 2年內買到樓，首選港島區 600呎嘅單位。」相信男神距離目標不遠

好巴打

王宗堯同台男 Xavier情如手足，兩人已經相識 6年時間，得閒仲會約埋打拳兼食飯，兩兄弟嘅感情真係 friend過打 band㗎！

Xavier都係拍戲搵食，網上仲不時會有晒肌相，身形仲好 fit添！

住唐樓

王宗堯榮升男神後，已經極速由銅鑼灣二百呎劏房搬到灣仔三百幾呎唐樓獨立單位，收人大增，男神仲話已經儲緊首期，準備入手。

上週二（ 20日），王宗堯一支公買完貓糧就去㩒錢，之後就到火鍋店會合一班朋友。

王宗堯人氣急升，帶挈地位都同步升呢，喺公司嘅週年晚宴中已經企正中間，隔籬就係一哥「 cool魔」張智霖。

王宗堯現居住三百呎唐樓，下一步已經計劃買 600呎的港島區單位。

《選戰 2》有劇本

雖然有傳播放中嘅《童話戀曲》收視大跌，令到港視後勁不繼，仲有傳原本下月關拍的《選戰》第二集要順延，但男神王宗堯就好有信心，「我唔擔心喎！其實《選戰 2》劇本已經收到，而且《選戰》播完之後就播《導火新聞線》，係一個廿幾集劇集，雖然取向同題材都唔同，但我睇完成套劇，對佢有好大信心，係香港人好關心嘅議題，故仔、角色同《選戰》好唔同，希望畀人睇到好多角色我都可以做到！」

一共有 15集的《選戰》，喺下月 21日就會大結局，而李心潔同智叔嘅一場辯論情節仲係必睇位。電視畫面

《導火新聞線》緊接《選戰》播出，劇情主要講述一班記者如何利用一支筆堅守公義！啱晒佔中男神做喎！電視畫面

鍾意就快D Share啦！

下一篇 》