掃呢頁CODE去手機

2015年2月24日 星期二

素顏女主播似劉在錫 孰喜孰悲?




【韓流】素顏女主播似劉在錫 孰喜孰悲?

2015-02-24 08:00:00



韓國綜藝節目《Running Man》(RM)七位主持都好受歡迎,特別係「國民MC」劉在錫,佢成日都被人爆佢做好事嘅小故事,真係好感人。

近日喺一個討論網站就刊登咗一名女主播裴賢貞素顏嘅照片,平日呢位主播化晒妝個樣大家都讚佢好靚女,點知佢素顏look曝光後,唔少網友都話好似劉在錫,仲不斷留言話同劉在錫真係好似似,十足十失散兄妹,據知呢位女主播從2008年就喺MBC做主播,現在被網友話佢似男人,仲要出名唔係靚仔嘅劉在錫,都唔知開心定唔開心呢?

而前日播出嘅一集《RM》就播出新年特輯,主持同幾位嘉賓要即場大鬥廚藝,原本比賽前大家都睇好嘉賓f(x)嘅Fei會勝出,點知最後賽果卻出人意表,竟然係金鐘國同女星瑞雨嗰隊羸咗,金鐘國再次成為新一年料理大戰嘅第一名,唔少粉絲都大讚金鐘國果然係能力者,又話佢:「真係咩都可以做得好好嘅金鐘國。」

講到金鐘國,佢嘅緋聞女友尹恩惠之前已開腔拒絕上《RM》,尹恩惠就解釋話佢因為有工作係身,而近日皮包品牌就將佢嘅日常生活照曝光,唔少粉絲睇到都以為係廣告相呢。













鍾意就快D Share啦!