掃呢頁CODE去手機

2015年2月17日 星期二

李逸朗恭喜舊愛葉翠翠結婚 Crystal想同特首女傾計 翠翠,張紋嘉,Crystal,李逸朗,葉翠翠,




李逸朗恭喜舊愛葉翠翠結婚 Crystal想同特首女傾計

2015-02-17 00:10:00



Crystal話想同特首女傾下計

噚晚梁齊昕去中環捧李逸朗(Don)音樂會場,兩個人有傳之後會一齊拍戲做男女主角,Don之前一路未見過佢,問佢今日一見有咩感覺,佢話見到齊昕著著白色低胸衫,上到舞台感覺好靚。但講到齊昕走光,佢就話:「吓?真係o架?我唔知道呀,咁點好?下次叫佢小心啲,當買個經驗。」

再講到舊愛葉翠翠今年7月就結婚,Don就連續恭喜4次話:「其實每個藝人要搵另一半都唔容易,好替佢開心,希望佢白頭到老連生貴子。」之前有冇聯絡?佢話:「之前係拍一個節目有撞過打招呼,但之前已經有一段時間冇聯絡過。」

今日Hotcha嘅Crystal同郭子健上台做嘉賓,問到Crystal對齊昕嘅感覺,佢話知道特首女嚟咗嚇一跳,又話今晚冇機會同佢傾計,如果有機會都想傾下,問下佢點承受壓力,因為要對住唔同評語,想知道佢點面對同去邊度行街,因為作為特首個女唔同一般人。

Crystal透露初出道同Don拍節目相識,對方去北京時就冇咩接觸,其中一次返嚟知道佢喺北京好辛苦,早兩三個星期撞到,Don就請佢做嘉賓,問佢點解唔唱《傻女》?佢話問過Don想唱,但Don話「你都唔識唱。」Crystal亦知道Don鐘意哥哥張國榮,所以揀咗《有心人》一齊合唱,又話自己好佩服對方,喺北京咁辛苦都返到嚟。





(攝影:陳慧安)

鍾意就快D Share啦!