2015年3月7日 星期六

楊秀惠裸體瑜伽 視後見紅 楊秀惠,BKD_S,

楊秀惠昨日為《天眼》宣傳,自爆上圍縮水。


楊秀惠裸體瑜伽 視後見紅

無綫小花楊秀惠首度在劇集中解放性感極限,露出美背大玩祼體瑜伽,畫面香艷!事後搣打底膠紙搞到嬌軀現血痕的她,更預告與陳展鵬有不少對手戲,關係一觸即發!而秀惠昨日現身劇集宣傳時明顯消瘦,她透露上圍也縮水,要勤做運動令肌肉結實。

視帝鄭嘉穎、陳展鵬、楊怡及楊秀惠等主演的劇集《天眼》劇情漸掀波瀾,劇中演殺手的秀惠,令展鵬嗅出危險的味道!秀惠以冷艷性感造型現身,更破格挑戰祼體瑜伽,在畫面前首度獻出玉背,相當吸睛!

談到挑戰性感極限,秀惠笑言:「好好玩,自己有玩開瑜伽,畫面係一絲不掛,其實黐晒膠紙同遮住重要部位,唔擔心走光,導演有就住拍,畫面好靚!但拍完後搣膠紙見到有血痕,算係少少犧牲!(做足準備演出?)做咗啲背脊美白療程,擔心有粒粒,仲想啲線條好睇啲。」

楊秀惠豁出去裸背玩瑜伽,挑戰極限。
  • 楊秀惠豁出去裸背玩瑜伽,挑戰極限。
楊秀惠滿意今次性感演出,更預告會水着出鏡。
  • 楊秀惠滿意今次性感演出,更預告會水着出鏡。

楊怡遭綁架

秀惠稱事前不知有性感演出,今次可謂豁出去:「今次除咗扮靚,仲有好多動作戲,同過往有啲唔同,角色好有質感。」問到性感演出會否尷尬?她說:「唔會,今次演出好健康。雖然現場都係男性工作人員,仲有好多其他廠同事特登過嚟睇我拍,但作為演員唔會尷尬,同自己講要放開啲。」她笑言相當滿意今次演出,更預告稍後更有泳裝造型,與展鵬素有恩怨的她將有不少對手戲。

另方面,嘉穎與楊怡被捲入兇案,楊怡為調查少女援交案深入險地,更遭變態兇徒綁架,嘉穎與林夏薇等為救楊怡不惜以身犯險,過程驚險!三人亦將陷入複雜的感情關係。

楊怡調查少女援交案而遭變態兇徒綁架。
  • 楊怡調查少女援交案而遭變態兇徒綁架。
林夏薇與鄭嘉穎為救楊怡陷險境。
  • 林夏薇與鄭嘉穎為救楊怡陷險境。

上圍被縮水

昨日秀惠為該劇宣傳,她坦承近日清減不少,就連上圍也縮水:「我啲衫都要拎去改細,同埋成日做運動等肌肉結實啲。(有冇做胸部按摩?)我好保守要自己按,女仔要照顧自己身體。」談到剛過的元宵節,秀惠透露冇人約,惟有跟同事度過:「見到同事好幸福都好羨慕,冇人追就畀心機拍劇、主持同做生意,聽人講女仔主動冇咁吃香。(唔叫葉翠翠介紹男仔畀你?)咁應該唔止介紹畀我,仲有莊思敏呢!」

文:影視組

鍾意就快D Share啦!
Related Posts Plugin for WordPress, Blogger...