傅明憲（Gigi）自從同落難前夫葉劍波離婚後，就與莊氏集團太子爺莊家彬展開一段相隔11年嘅姐弟戀。雖然06年開始拍拖，但兩人一直保持低調，傅明憲更加少談同男友嘅感情事。
不過，有傳相戀9年嘅佢哋，喺男方提出下已經分手。其實一直有傳莊
家彬父親莊紹綏唔接受傅明憲，所以大時大節一定叫莊家彬返屋企交人，減少同Gigi見面機會。
今日更加有報道指，原來莊家彬喺三個月前已經向傅明憲提出分手，原因除咗感情轉淡外，仲有指係莊家彬移情別戀，認識咗一位女性台灣音樂人新歡。對於分手一事，傅明憲就表示：「我們真的沒有事」。而莊家彬則語焉不詳：「情況有點複雜，還是說沒問題吧」
