冇露點都變三級片？文凱玲話公司將佢同 Dominic full version嘅床戲攞出嚟，不過重要部位佢隻手遮晒。
真面目
劇情需要 《鴨王 2》冇女露點都變三級 Dominic：本身都係剝咁多！
去年初打住三級旗號的電影《鴨王》，何浩文（ Dominic）、袁嘉敏等主角統統搏到盡，激劇情加露點，票房輕易去到 800萬。既然有捧場客，「成功人士」王晶梗食住條水開續集
《鴨王 2》半年前將三級降成 2B級招募老臨，上集孭飛的袁嘉敏唔肯再拍，換嚟只是露背露股的文凱玲（ Connie）。不過當電影拍完後，電影公司卻將《鴨 2》轉為三級。突變三級女星，女主角文凱玲日前出席宣傳活動時表示：「酬勞無加喎！真係要問吓！」
電影《鴨王》去年多得何浩文（ Dominic）、袁嘉敏的多場露點肉搏戲而搏到 800萬票房，監製王晶即食住個勢開拍續集。
加料補戲
踢走袁嘉敏，改用 10年落選港姐文凱玲（ Connie），《鴨王 2》亦將三級改為 2B級，電影公司更曾以 2B級作招徠請老臨，不過當電影拍完，電影卻突然變成三級，成班演員即變三級影星。
續集以雞鴨戀做題材，鴨王 Dominic和雞后 Connie有多場埋身肉搏戲，不過全部點到即止，更事先聲明三點不露。不過電影公司在煞科後卻忽然決定將《鴨 2》改成三級，更安排男女主角為一場最激的床上情慾戲補戲。 Dominic話：「點解變三級呢？有啲畫面其實係必需，同時令劇情會順暢啲，所以電影公司就寧願要劇情都唔想剪到變 2B。」
「有冇衫都係俾咁多」
男女主角待電影上映後走埠登台搵真銀，擺明志不在片酬，但形象一向正面的林子善慘變三級男星，加上身為男二戲份多不能刪減，據知電影公司最後以加 30％片酬了事。
對於加片酬一事，林子善於截稿前亦未有回覆，而 Dominic則說：「我呢啲無㗎，本身都係剝咁多，冇衫着同有衫着都係俾咁多！」而女一 Connie亦說：「電影公司話個意識好大膽所以變咗三級，佢（ Dominic）同我嘅重要部位都係我隻手遮住！（ 2B變三級有冇加片酬？）無諗過添！無問過呢條問題呀！返去問吓先！」
過年睇乜好？
每年農曆新年，必定有啲陣容強勁，但又冇乜內容嘅搞笑電影上映，今年都唔例外，《賭城風雲 3》實走唔甩；最令人期待一定係星爺作品《美人魚》；而郭富城嘅《西遊記之孫悟空三打白骨精》都總有粉絲支持吓嘅！
採訪、撰文：娛樂組
攝影：林迅景
|
鍾意就快D Share啦！
|
|
|
