張家輝喺2013年為咗拍《激戰》，過咗大半年非人生活，操出一身爆肌，個個睇到O晒咀。佢仲講明，果排朱古力一定唔Keep，可想而知幾辛苦啦。
事隔2年，家輝真係言出必行，一身爆肌已經變返肥肌喇！
早幾日，張家輝
就一身sport造形現身銅鑼灣IT掃貨，唔知係唔係鋪入面冇乜人啦，佢揀衫都揀得性起，仲即席試身添喎。
唔試由自可，一試就……喂，仲咩有肚腩嫁？
又一次證明，有肚腩著白衫真係會出事嫁！家輝一試上身，成個肚腩走咗出嚟喇！
不過，家輝之前就講明唔會再keep，的確係講得出做得到，一於少理個凸腩，20分鐘極速掃貨閃人。
