2015年4月3日 星期五

擺細仔百日宴 谷奶陳茵媺未修身 [忽然1周 - 1027] 茵媺,BKD_S,陳茵媺,MW,



笑住掃貨

由於細仔剛滿月,所以不宜出門。當日陳豪陳茵媺帶同 Aiden去咗 BB用品店,兩公婆 shopping時全程面露笑容, Aiden對住鏡頭亦唔驚,好叻仔呀!

滾熱辣

擺細仔百日宴 谷奶陳茵媺未修身

話咁快,陳豪細仔 Nathan Lucas上周四( 26日)已過彌月之喜,陳茵媺父母亦在 3月中由加拿大返港幫手湊孫。據知細仔滿月只在家慶祝,並向親友大派紅雞蛋。

本周二( 31日),坐完月的陳茵媺在老公陳豪陪同下踏出家門唞唞氣,記者上前問可會為 Nathan搞百日宴。陳豪很爽快地答:「 Yes!」。抱住大仔的陳茵媺,身材圓潤明顯未修身成功,谷奶更令上圍升 cup,由 34C跳到 35D。過去一個月,陳茵媺除了日日貼身湊 B,還要安撫一歲多的呷醋大仔 Aiden,真是辛苦了媽媽!

於 2月 26日榮升第二任爸爸的陳豪,近日不停為大台新劇四出宣傳,努力賺奶粉錢,但他仍抽空留家陪老婆陳茵媺坐月及幫手湊仔。這對模範夫妻不但恩愛,對小朋友亦無私付出,婚後他們主張男主外女主內。陳茵媺湊小朋友亦絕不假手於人,無論餵奶、沖涼及換尿片等工作,她都親力親為。在大仔 Aiden半歲大時,陳茵媺左手曾患筋膜炎,谷奶時亦發高燒。

咖啡充電

要湊仔又要搵奶粉錢,陳豪出門又點少得一杯提神咖啡。周二( 3月 31日)離開家門後第一時間就係去買杯咖啡充電。

抱仔落車

湊仔親力親為嘅陳茵媺,今次帶大仔 Aiden一齊去街街,大部分時間佢都抱實個仔。其實產後盡量唔好拎重嘢,包括抱仔,陳太都係小心啲好。

開心揀玩具

近日忙為新劇宣傳的陳豪,難得休假一天陪老婆同個仔,他還手抱 Aiden齊齊揀玩具。只有一歲多的 Aiden對住玩具手指指,非常開心。

產後勁谷胸

陳茵媺三年抱兩,還因連續餵人奶,令上圍不繼升 cup。今年 2月尾生完 Nathan後,上圍已升至 35D,腰部亦較以前圓潤。當日大仔 Aiden萌爆狂送飛吻。

親試新孭帶

陳茵媺今次外出主要是選購一條新式孭帶,方便孭細仔出街之餘又可以好好保護脊骨。當日女陪月員更從旁俾意見。

BB水泡即 buy

陳豪最愛與陳茵媺出埠享受陽光與海灘。女售貨員即場推介一款專為 BB而設的水泡,陳豪聽完講解後即到櫃台俾錢,相信是為了帶囝囝外遊作準備。

6月搞百日派對

據陳茵媺密友透露:「呢個月睇見 Aimee(陳茵媺)真係好辛苦。 Aiden雖然係哥哥,但只係得 1歲 4個月大,依然會扭計,見到細佬 Nathan成日黐住媽咪,就會呷醋要媽咪抱。呢樣都未算呀! Aimee堅持要餵人奶,話想 BB身體強壯啲,所以由朝到晚都要餵,絕對係冇覺好瞓㗎!因為同時湊兩個 B太忙, Nathan滿月都冇大搞,不過阿 Mo話想公平啲,舊年幫哥哥 Aiden搞咗百日宴,所以 6月頭都會幫 Nathan搞。 Aimee想搞個百日宴嘅 party,大人細路都可以玩,話咁先至夠 happy喎!」

據知大仔 Aiden去年的百日宴在比華利山別墅會所舉行,陳豪早前亦已查詢會所 6月的 booking及菜式,陳茵媺更開始上網留意童裝衫款,希望到時兩子以一身有型的兄弟裝參加百日宴。

貴族學校面試

今年 2月初,陳茵媺佗住籮咁大個肚,帶大仔 Aiden到九龍塘 Kingston面試,見記者採訪陳豪出力護駕。

本周二( 31日)下午三時許,陳豪陳茵媺帶住 Aiden一起出門,到港島南區的海怡工貿中心 shopping,身旁還有一名專責照顧陳茵媺的陪月員。眼前的陳茵媺雖然肚皮已平坦不少,但身形依然圓潤,相信距離修身成功還有好一段路,加上因為餵人奶關係令其上圍暴脹,由原本 34C升到 35D。

冒險抱 30磅仔

保鑣護駕

上周六( 3月 28日),陳豪現身北角新光戲院為大台新劇做宣傳,離開時引來大批 fans圍觀,要出動五位保鑣護駕出門。

自陳茵媺生下細仔後,幾乎所有時間都放在細仔身上,只有一歲四個月大的 Aiden難免受到冷落。為了取得平衡,陳茵媺今次只帶 Aiden出街,更親自手抱囝囝上車落車。 Aiden長得胖胖,起碼有 30磅重,陳茵媺幾乎全程手抱, BB車完全冇用過。

坐月時產婦盡可能不要提取粗重物品,以免增加腹部壓力而引起子宮下垂。但為了安撫小醋埕 Aiden,陳茵媺不惜犯禁。當記者問及 Aiden是否呷細佬醋時,在旁的陳豪則以「都 OK呀!」輕輕帶過,反而問到可會為細仔搞百日宴時,陳豪爽快地答「 Yes!」

公公外出補給

由於陳豪近日要外出努力搵奶粉錢,所以早在 Nathan出世不久,便急 call外父外母從加拿大返港,除幫手湊孫外,亦可在家照顧陳茵媺。上周五( 27日),即 Nathan滿月後一日,陳茵媺爸爸駕車載工人到大埔墟,抵埗後陳爸爸一支箭走入街市粥店,攞出一個大暖水壺,示意把整個盛滿,之後還買了其他外賣。而另一邊的工人姐姐,原來被委派到街市買花紅粉,最後二人大包細包打道回府。陳父吩咐工人去買的花紅紛主要是用作染紅雞蛋之用,據知陳豪家中的紅雞蛋唔夠派,要再補貨大量製作。

除幫手湊孫又要照顧陳茵媺,還要做阿四跑腿買嘢,呢位公公真係好得!

外父出馬

陳豪外出工作,陳茵媺爸爸便成為家中另一支柱。上周五( 27日),陳爸爸外出買外賣及其他補給品,見他四圍走好頻撲。

陳父當日駕着陳茵媺的黑色平治,帶住工人由大埔比華利山到大埔墟入貨。

兒童樂園搞百日宴

為幫細仔籌備百日宴,陳豪兩公婆絞盡腦汁,雖然只宴請相熟親友,不過都唔可以馬虎。上年大仔 Aiden在比華利山別墅會所宴會廳舉行百日宴,據知今次細仔 Nathan的百日宴都好大機會在會所舉行。

豪華住客會所樓高五層,設備完善,宴會廳可筵開 8至 10席,設有大型投射熒幕、專業燈光及音響設備,可提供五星級酒店餐飲到會服務。會所亦設有多元化兒童活動設施,還有以森林為設計概念的開心樂園,透過可愛的卡通人物及故事場景吸引小朋友。 Nathan在會所搞百日宴,哥哥 Aiden一定好開心。

會所內的兒童樂園。

鍾意就快D Share啦!
Related Posts Plugin for WordPress, Blogger...