2015年4月3日 星期五

吳若希 借工作麻醉自己 [忽然1周 - 1027] 吳若希,MW,



雖然擔心媽咪嘅傷勢,但吳若希喺呢個時候,仲上網分享佢個超市新廣告,工作態度真係一流。

媽咪姐

吳若希 借工作麻醉自己

前幾日聽到吳若希( Jinny)媽咪炒單車,傷勢唔輕仲入埋 ICU,媽咪姐都為佢擔憂呀!但估唔到只有 22歲嘅吳若希, EQ同危機處理都咁勁,要照顧年幼嘅細佬,又每日上網抒發心情,仲爆粗鬧寸佢媽咪嘅網友。







吳若希咁堅強日日照開工,因為見媽咪處於半醒狀態,情況開始穩定。佢唔想日日淨坐喺醫院等,亂咁諗嘢,所以冇要求公司取消工作。加埋佢要到 5月先開新劇,暫時只得新碟錄音工作,要往返醫院彈性好多。睇吳若希呢兩日上網都係講錄歌,仲自己寫咗首歌,呢個女仔真係唔簡單!

想法幾正面嘅吳若希,周一( 30日) mood到寫咗首歌,老闆又 buy,就將佢變成正能量,為自己加油!

鍾意就快D Share啦!
Related Posts Plugin for WordPress, Blogger...