掃呢頁CODE去手機

2015年4月23日 星期四

甄楚倩有膊頭 [壹週刊 - 1311] 甄楚倩,M1,



囝囝已經十五歲,一樣肯同媽咪拖住手行街,仲著同色母子裝,可見二人感情好親密。

同你吟一吟

甄楚倩有膊頭

同十五歲小龍女卓林相依為命嘅吳綺莉涉虐女,警方仲喺佢屋企搜到毒品,事件驚爆娛圈。同樣選擇做未婚媽媽, 01年未婚產子嘅甄楚倩,囝囝今年都係十五歲。

正值小朋友反叛期,但甄楚倩同寶貝仔相處有道,就算囝囝咁大個,都仲肯俾媽咪拖住手行。早個禮拜,兩母子一齊去咗中環太子大廈睇家品,其間甄楚倩對一樽香薰液好有興趣,攞起聞吓,跟住再遞俾囝囝聞,睇吓佢鍾唔鍾意,買嘢有商有量,唔係阿媽話晒事嗰隻。

要做未婚媽媽,本來就唔容易,但無論任何理由,借酒或者借藥物消愁,甚至將怨氣發洩落小朋友身上都係於事無補。呢樣嘢,吳綺莉應該請教吓有膊頭,肯承擔嘅甄楚倩。

兩母子行家品店,甄楚倩攞住樽香薰液聞完再俾寶貝仔聞吓,大家都鍾意先買。

鍾意就快D Share啦!