遮面晒玉腿嘅關之琳先落車，再一支箭行咗去，司機其實一早開定門，只係車上嘅陳泰銘唔落車。
同你吟一吟
關之琳陳泰銘 同車唔同步
由最初打死唔認拍拖，到近年孖公仔去睇演唱會或者出席朋友生日 party，關之琳同台灣百億富商陳泰銘嘅戀情，其實已經浮到上水面，只差在大美人幾時 OK大家稱呼佢陳太。
戀情見得光，但出街拍拖，就選擇性避忌。上個禮拜二（四月十四日），陳泰銘名下座駕出現中環皇后大道中，著住迷你裙褲加高踭長 boots嘅關之琳，一支箭落車，急步過馬路去對面萬邦行。等女友搭埋𨋢上樓，陳泰銘先落車，再慢慢行去萬邦行會合另一半。
十五分鐘後，陳泰銘一個落樓，以龜速慢慢行去士丹利街上番車。隔多十分鐘，輪到摩打腳嘅關之琳蒲頭，佢講咗陣電話後，就開 turbo行去士丹利街上車一齊走。
想低調，其實唔係問題，問題係大美人你一身打扮同明星樣，就算戴口罩都冚唔住，好難見你唔到囉！
|
鍾意就快D Share啦！
|
|
|
