全城熱爆的娛樂八封新聞 & 時事趣聞 & 生活 + 趣聞
左一杯、右一杯，以細細粒噸位，係好合理。
早排天氣升溫，《壹》仔行咇都行到大汗叠細汗，更何況噸位同脂肪都係重量級嘅細細粒陳嘉佳。
細細粒同朋友銅鑼灣行街，路過見到流動雪糕車，乜都唔講，一支箭衝埋去，買！仲「起雙飛」，每邊手一杯軟雪糕，原來其中一杯係買嚟送俾日日都陪住身體有殘障、要坐輪椅嘅爸爸响街邊做小販嘅小弟弟。
見到雪糕車，細細粒將個 Hermes包包交俾朋友，排隊買！
但原來佢係請日日陪身體有殘障嘅爸爸、响街邊做小販嘅小朋友食，充滿愛心嘅細細粒仲摸吓對方個頭仔。
小朋友有雪糕食，開心到即刻擺入口，佢爸爸亦俾咗個手指公細細粒，多謝佢請囝囝食雪糕。唔一定要捐一百幾十億先係做善事，《壹》仔目睹細細粒嘅滿瀉愛心，已經覺得滾動！
請小朋友食雪糕前，細細粒已經幫襯買糖，對體形大但心細嘅細細粒，小販豎起晒指公多謝。
