2015年4月23日 星期四

睇拍戲 周柏豪 KO劉心悠 [壹週刊 - 1311] 柏豪,劉心悠,心悠,周柏豪,M1,



邵美琪經驗老到,客串劉心悠同周柏豪的新戲,不消兩小時已經順利完成。

探熱針

睇拍戲 周柏豪 KO劉心悠

繼《小姐誘心》後,周柏豪、劉心悠 encore再合作《我老婆係明星》。導演特別安排十個造型給周柏豪去配合做大明星的心悠。日前電影在觀塘拍外景, band友打扮的周柏豪咬住牙籤,同扮鬼妹的劉心悠孖住邵美琪做對手戲,好麻甩!

邵美琪大媽上身

當日一身靚女 look的劉心悠先同 Lam仔林德信埋位,至於一早化好妝「嗌咪」的周柏豪,則留在電影公司安排作休息室的一樓住宅單位內等,其間他不時探頭八卦拍攝進度。

放食晚飯後,咬住牙籤滿面鬚根的周柏豪現身大廈大堂,工作人員見到忍不住說:「都 OK麻甩喎!」

準備 roll機,金髮 look的劉心悠戴住黑超,其他人紛紛上前要求合照:「鬼妹(劉心悠)、 Band仔(周柏豪)一齊影張相吖!」

同場客串的還有邵美琪,一直企埋一邊刨劇本的她,一埋位便 C9上身,要戲中飾演大明星的劉心悠影合照,簡單場口,兩小時拍完再轉景。



咬住牙籤的周柏豪,麻甩味十足。

攰到無力擘開眼的劉心悠,懶理鏡頭同周柏豪的取笑,一於照瞓。

另一個烏 where look,原來周柏豪扮緊狗仔隊。

唔俾留鬚

由唱歌到拍電影,周柏豪同王菀之一樣,丟低歌手包袱,之前在《四非》一片做爛面象人,今次亦要做烏 where狗仔隊。收到劇本後,柏豪一心諗住留鬚配合劇情。

「我覺得自己留番啲鬚會更似,但公司話拍呢套戲期間要攝期拍廣告,叫我諗都唔使諗!」周柏豪說。

劇情指為配合明星老婆劉心悠,周柏豪因為要隱瞞兩人的關係,不時要扮鬼扮馬,除了狗仔 look,還有朗拿度、古烈治、都敏俊等,比起獨沽一味,得個靚字的劉心悠,周柏豪有着數!



不用埋位的周柏豪,不時從一樓的露台,八卦正在車上拍攝的劉心悠同林德信。

劉心悠、周柏豪同林德信,拍完一個場口即刻緊張埋位睇 playback。



《四非》中周柏豪爛面扮象人,同 Liddy合演對手戲。

鍾意就快D Share啦!