掃呢頁CODE去手機

2015年4月23日 星期四

關係緩和 心臟有事人浮腫 成龍破冰探陳自強 [壹週刊 - 1311] 陳自強,成龍,M1,



上週五(十七日)陳自強出院時,手腳仍然非常水腫,腫到逼爆手鈪。

探熱針

關係緩和 心臟有事人浮腫 成龍破冰探陳自強

七十年代開始做成龍經理人的陳自強,雙方關係盛極而衰,於○八年更加被迫退休,擘面收場。隨着陳自強健康變差,「兩父子」最近終於破冰;上週陳自強因心臟問題要入院留醫,成龍亦有前往探望。

雪上加霜

合作接近四十年,一直在旁扶持,睇住成龍走紅的陳自強( Willie),最終因為林鳳嬌由加拿大回流返港後,接手所有關於成龍大小事務,而被迫離場。風光不再,陳自強一度泊埋麥浚龍身邊,雙方甚至上契,但一樣遭對方用完即棄,契爺都冇面俾,照炒!

再無倚靠,陳自強曾公開放風:「佢(成龍)咁多生意,帶挈我老人家搵錢都好。」可惜成龍冇反應,年過七十的陳自強晚晚借酒消愁,飲到周身病痛。最近更因心臟問題,入院留醫至上週五(十七日)才出院。住院期間,成龍、邵音音及苗可秀等圈中人,亦有去探病。

陳自強雙腳嚴重腫脹,滿腳都是微絲血管。

雙手膚色暗啞,指甲邊有點瘀黑。

快啲戒酒!(設計對白)

「 Willie見到成龍好開心,覺得佢有番啲誠意,大家關係緩和咗好多。自從同成龍搞到咁唔開心,加上之後 Juno嗰件事, Willie就成日飲酒,佢年紀都咁大,班契仔契女又冇晒影,得番阿仔(契仔徐君俊)喺身邊,心情差就愈飲愈多,所以心臟唔好。」知情人說。

一一年陳自強七十歲生日,當時剛跟麥浚龍上契,獲他大搞生日會,鄺美雲、鍾楚紅、白雪仙、張曼玉等都有到賀,獨缺成龍。

近期成龍做主動,跟陳自強關係破冰,日前亦有去醫院探望他。

過去擔任成龍經理人時,陳自強總會花盡心思為他慶生,預先邀請泰迪羅賓、梅艷芳、洪金寶、成爸爸等,連蛋糕都有三個。

過往陳自強手執成龍、張曼玉、鍾楚紅、張學友、關之琳等巨星,如今只剩下契仔徐君俊在身邊,打本給契仔開潮店。

唔使戒酒

上週五出院的陳自強看來精神不錯,只是有點浮腫。

壹:壹週刊 陳:陳自強

壹:身體點呀?

陳:(迴避)慢慢 Check吓囉, regular。

壹:幾耐 check一次?

陳:幾個月

壹:使唔使戒口?

陳:唔使,西醫唔使戒口。

壹:仲有冇飲酒?

陳:有,唔使戒。

壹:啲圈中朋友有冇探你?

陳:音音姐。

壹:係咪因為身體問題,所以休息咗大半年?

陳:冇,都有參與工作,只係隻腳唔係幾好。

住大屋

雖然不及往昔風光,但陳自強仍然食好住好,現居於西貢連天台共四層高的村屋,並由讀建築的契仔徐君俊豪裝。

酒精害人

據內分泌及糖尿科醫生唐俊業表示,過量飲酒會影響心、肝和糖尿。飲酒傷身,可引致肝硬化或肝衰竭,令腹腔積水及肚內的動脈擴張,人亦會浮腫。肝功能差,令心臟功能亦會降低,血液循環差,令人更加浮腫,亦會出現呼吸不順,皮膚顏色變成瘀黑帶紫等問題。

酒精更會令胰島素功能減低,引致糖尿病。若本身有糖尿病,則會加速肝硬化,令血糖指數更高,引致血管閉塞,影響心臟。

鍾意就快D Share啦!