掃呢頁CODE去手機

2015年4月3日 星期五

養母自費住 60呎老人院 李蕙敏:係佢最適合安排 [忽然1周 - 1027] 李蕙敏,MW,



少探養母

曾經風光過的李蕙敏,過去十年事業一沉不起,直至 13年下嫁家族經營珠寶生意的老外老公,生活才得以改善。但做闊太不到兩年,有親友便踢爆她二月送年邁養母入老人院,且甚少探望。

滾熱辣

養母自費住 60呎老人院 李蕙敏:係佢最適合安排

44歲的李蕙敏( Amanda),出道廿年,曾經風光,惟過去十年事業一沉不起,更被指欠下百萬卡數,要轉行賣衫賣玉石。慶幸近年終於搵到依靠,前年下嫁家族經營珠寶生意的英籍老公。現時李蕙敏除家住半山豪宅,閒時更出入名店掃貨,妻憑夫貴的她終可一洗霉氣。

可是,李蕙敏風光背後,與養母(鄧惠珍)關係一直麻麻。有指在剛過去的農曆新年,她因養母一次意外跌倒,提議老人家入住老人院,至今個多月,李蕙敏卻鮮有現身探望。近日,鄧婆婆身邊一位親友向本刊爆料,指李蕙敏除對養母不聞不問,連老人院萬多元費用,亦要鄧婆婆自掏腰包。上周三( 25日),當李蕙敏聽到記者追問送養母入老人院時,即面有難色說:「呢個係佢最適合安排。」








李蕙敏( Amanda)曾經提及自小與養母不和, 22歲離家出走後,便與這位一手湊大自己的母親斷絕來往。直至 03年養父過身,母女二人才冰釋前嫌,李蕙敏閒時會相約對方飲茶食飯,雖然次數不多,但對老人家來說,每次母女聚會都是彌足珍貴。

悲歎靠自己

李蕙敏養母鄧惠珍今年 88歲。據親友表示她是在幾個月前被送往西環一間護老院。從鄧婆婆與親友交談片段中,當談及護老院收費時,她忽然激動地說:「佢(李蕙敏)唔俾(錢)咪我俾囉!」

22歲揭身世

李蕙敏曾透露自己 22歲才得知父母並非親生,她指養母自小管教甚嚴,更一度反對她加入娛樂圈。

曾跌倒入院

據知,現年 88歲鄧婆婆(鄧惠珍),自老伴離世後,多年來便獨居在中環一棟舊樓,日常生活事事靠自己。原本與養母鬧翻,多年來不相往還的李蕙敏,見老人家孤伶伶,便重新與養母聯絡,偶爾亦會到上址探望她,母女關係一度緩和。

可是,自從李蕙敏 13年下嫁家族做珠寶生意的英籍老公 Serge Micallef後,便甚少探望養母。鄧婆婆身邊一親友說:「其實婆婆嘅屋企人走得一個得一個,依家最想係咩啫,最大心願咪係見多啲屋企人。唔好話一日三餐靠自己煮,大吉利是講句,老人家有咩意外都冇人知!」

今年 2月農曆新年期間,鄧婆婆外出買餸時,因突然頭暈腳軟而在街上跌倒,入院搶救。「嗰次真係好危險,婆婆遲啲送院都出事。佢成日同人講,當時以為自己死梗。醒番之後冇幾耐,阿敏(李蕙敏)就安排佢入住老人院。鄧婆婆個心都唔多想㗎,始終要同其他唔識嘅公公婆婆一齊住,好多嘢好唔方便。不過佢唔想煩親個女,話反正個個老嘢都入去住㗎啦,最後都自願去住。」該親友續說。

60呎板間房

鄧婆婆在老人院其中一個面積約 60呎的板間房居住,由於不熟悉陌生環境,試過在晚上起身時天旋地轉仆倒地上。說到此處,她悲從中來說:「阿敏(李蕙敏)冇嚟呢度,佢唔知囉!」

杯麵醫肚

在鄧婆婆的房間中,掛着放有數個杯麵的透明膠袋。她在片段中說:「食唔慣呢度啲嘢,又冇屋企人帶我落街,咪食杯麵囉!」

拒付老人院費

該名親友更向本刊爆料,指婆婆入住老人院後,李蕙敏鮮有前往探望。她更向本刊展示自己早前與婆婆談話的片段。從片段中,可見鄧婆婆所住的板間房,面積約有 60呎,放下一張兩呎半單人牀後,餘下位置幾乎放不下一張膠櫈。板間房設備甚簡陋,只得幾個掛鈎掛衫和袋。

片段中,鄧婆婆雖然年邁,但對答思路清晰。談到入住老人院時,她多次低頭嘆氣。講到誰付老人院費用時,鄧婆婆更搖搖頭說:「唉!我成日同自己講,死都係死自己!佢(李蕙敏)老公係大把錢,不過我同佢講『算阿女,唔使你咁辛苦,你冇得俾(老人院費用)咪我俾囉!』」

闊太住半山

李蕙敏 13年 10月下嫁英籍老公 Serge Micallef後,二人以月租 8萬元,租住半山羅便臣道雅苑一個千五呎單位居住。

最低消費 1萬

鄧婆婆所住的護老院,位於皇后大道西。分男女兩邊院舍,現時所住人數約有 60人。

而房間類型分雙人房及單人房兩類;有窗單人房月費 9千,冇窗為月費 8千;費用已包每日三餐膳食,至於尿片及日常用品等雜費另計。鄧婆婆所住的是有窗房間,住宿連雜費至少 1萬元。

頭暈碌低冇人知

提到李蕙敏有否前來探望時,鄧婆婆更悲從中來。「唉!真係陰功囉,嗰個阿敏又係廢嘅,差唔多廢人……阿敏冇嚟呢度,佢有咁好就好。前兩晚(我)見頭暈,碌低唔起得身。阿敏冇嚟呢度,唔知囉!」

三年前有講有笑

兩母女一齊食飯聚天倫,離開時更有講有笑。圖片

老外老公陪食

據知,李蕙敏的老外老公,與她的養母關係其實不差,與李蕙敏拍拖初期,便試過數次與女友陪老婆婆外出食飯。圖片

食杯麵醫肚

黃偉文做證婚

13年宣布與老外結婚的李蕙敏,與養母關係再次轉趨惡劣,就連在英國行禮,李亦只搵伯樂黃偉文做證婚人。

鄧婆婆入住老人院差不多有兩個月,唔習慣院中膳食。而院中規定要由親人陪同才可以外出用膳,冇親人探望的鄧婆婆惟有不時以杯麵充飢。據知她甚少出房與院友打交道,每天只躺在牀上,靠身旁的收音機解悶。

尷尬回應

上周三( 25日),李蕙敏出席演奏會後,被問到養母是否入住老人院一事,她即時面有難色,更有意無意迴避問題,反問記者是誰說的。經記者追問後,她尷尬地說:「咁樣係對佢(養母)最適合嘅安排,每個人都有每個人嘅事,其他人唔會明白……咁我唔想……唔需要講太多關於佢嘅嘢!」當問到老人院費用時,李立即激動指這是私人事,只表示:「最緊要有人照顧佢!」

提養母有難色

上周三( 25日),李蕙敏出席慈善音樂會,對於送養母到老人院一事,她面有難色說:「我唔想……唔需要講太多關於佢嘅嘢!」

直駛深圳

周二( 3月 31日),李蕙敏由半山寓所乘的士直駛到落馬洲。見記者拍照,她即拉低漁夫帽避鏡頭。

富貴行名店

自從升格做闊太後,李蕙敏閒時出入中環 ifc和置地等名店,更有指她掃貨喜用大疊現金埋單,闊綽如土豪。

請好友證婚

李蕙敏前年 10月與外籍老公( Serge Micallef)在英國結婚時,邀請了好友黃偉文作代父證婚,反而對她有二十多年養育之恩的養母則不見蹤影。據知 Serge其實一直想太太與養母可以冰釋前嫌,所以多次製造飯局機會俾兩母女破冰,可惜李卻不為所動。

李蕙敏曾說與養母關係一直麻麻,指養母是粵語片時代的人,溝通不了之餘,還對自己非常嚴厲,經常被打到飛起。「小時候母親節送花,用了兩日時間親手畫卡給她,她丟掉,話冇用。小時候我經常受呢啲屈辱,好 hurt,匿喺房度。佢唔係冇母親節嘅 concept,只係佢比較鍾意實質嘅禮物,但當時我只係十歲八歲,我可以俾咩你。」說到底,家家有本難唸的經,希望兩母女關係得以改善。

坎坷天后

李蕙敏 17歲被倫永亮發掘,簽豐藝唱片入行,事業高峰期好歌不下十首,當中〈你沒有好結果〉更是經典之最。可惜自唱片公司動盪,她一沉不起,霉足咁多年。

88-94年  Echo出道

88年入行,被安排與區海倫組成 Echo嶄露頭角,惜有傳二人不和令唱片銷量不佳。 92年正式拆夥。

95-97年 高峰期

Amanda簽嘉音唱片單飛發展,兩年出 7碟,其中〈你沒有好結果?〉、〈活得比你好〉等唱到街知巷聞,奠定「悲情天后」地位。

98-00年 衰落期

盛傳千萬過檔寶麗金成為一姐,兩年出 3、 4碟,不過銷量大不如前。而 00年寶麗金被環球收購後,公司重組轉捧新人,她於同年與公司解約。

01-11年 谷底期

幾乎絕跡樂壇,以登台及拍電影為生,並先後在中環及砵蘭街搞過時裝生意,惜生意失敗;有傳靠賒借度日。

12-15年 復出期

12年好友黃偉文( Wyman)在紅館舉行作品展,李任嘉賓,但聲沙演出失準。去年 4月新婚後的她於九展 Star Hall首開演唱會,重新上路。

一家唔知一家事

母女感情複雜,在圈中亦頗常見,恩怨情仇有理說不清,但血脈相連,大部分都能和好如初。

蔡少芬

蔡少芬出道不久便要替母還千萬巨債, 00年更宣布脫離母女關係,直至 03年其母成功戒賭兼信主,母女才和好。

陳松伶

85年陳松伶因遭家人反對入行而離家出走, 20年後戲劇性地母女相認,陳更送豪宅補償。

梅艷芳

95年梅姐捐一百萬支持母親創辦「抗癌協會」, 00年發現數目不清,於是退出名譽主席一職,母女一度不和。

Rosemary

07年母親不滿 Rosemary掛住拍拖無心工作,提走其銀行所有存款,因而反目。多月後二人和好。

鍾意就快D Share啦!