掃呢頁CODE去手機

2015年5月7日 星期四

梁愛詩萬元買黑白 [壹週刊 - 1313] 梁愛詩,M1,



唱好政改唱到口攰,梁愛詩放下工作,享受購物樂。

同你吟一吟

梁愛詩萬元買黑白

身為基本法委員會副主任,梁愛詩呢排要幫口唱好人大 831決定,仲 N次呼籲泛民轉軚袋住先……周身唔得閒。

2017,未知得唔得,梁愛詩得閒不如行街使錢,更加幫到香港。早個禮拜日(四月二十六日), 76歲白髮「詩姑」一個人行金鐘太古廣場,喺 Emporio Armani打個白鴿轉熱身,再轉場去 Longchamp,即刻大開買戒。

平日衣著以素色為主,職員一早摸熟梁愛詩口味,只會攞黑色同白色套裝俾佢睇。買完 Longchamp,下一站 SPORTMAX,單一係黑色外套,就算店員推介粉色外套,梁愛詩只係禮貌上望兩眼。

哎呀!你又叫人袋住先,點解你又唔買件粉紅色,著住先啫!點都好,就算黑黑白白,梁愛詩已經買到夠數,可以享受商場購物滿一萬蚊,免費換充電器嘅優惠,勁呀!

响 Longchamp試咗唔少套裝,職員好識做,只推介黑白色俾梁愛詩。

連件打底衫都係白色,梁愛詩去到 SPORTMAX,全力搵黑色外套。

店員向梁愛詩推介運動外套,有粉紅及桃紅兩色,不過梁愛詩冇興趣。

商場做緊優惠,只要消費滿 10,000蚊,就可換充電器,梁愛詩當然冇蝕底。

鍾意就快D Share啦!