Ruby倒貼 周永恒深圳開 Gym [壹週刊 - 1313] Ruby,周永恒,劉伊靜,M1,

探熱針

Ruby倒貼　周永恒深圳開 Gym

打老婆、瘟小三，周永恒香港冇得撈，索性投奔強國，到北京考健身教練牌，另謀出路。

一度同小三 Ruby吵大鑊、嗌分手，但床頭打交床尾和，轉個頭 Ruby唔單只北上送外賣，更貼錢死箍周永恒，攞埋私己錢給他到深圳開健身店做老闆，堪稱極品小三！

Ruby近期密密接 job，賺錢助周永恒開 gym。

周永恒上載「谷肌」相，晒健身成果，青筋都現埋，好辛苦喎！

深圳睇鋪

香港冇嘢撈，周永恒早前到北京受訓谷肌，考健身教練牌，打算轉行。據知，在 Ruby支持下，最近已返港的他準備在深圳大展拳腳，開 gym做老闆。

「阿 Roy（周永恒）細佬一向喺深圳賣健身產品，都做得幾好，佢見健身生意係一門財路，所以決定轉行。本來諗住喺北京考健身牌再留低發展，但因為冇人脈，搭唔到路，後來 Ruby話肯打本俾佢做生意，所以阿 Roy搵埋細佬幫手，夾份開 gym，仲會賣埋健身食品。 Ruby本身有層樓，又有唔少積蓄，攞錢貼仔之前仲去咗北京陪阿 Roy。佢哋開始喺深圳周圍睇鋪位， Ruby都當正自己係老闆娘！」知情人說。

本週一（五月四日），周永恒一洗過往頹相，打扮齊整精神到屯門裁判法院，為去年的被襲案做證人。對於考健身牌轉行，他說：「已經教緊朋友，冇話轉唔轉行，都要工作。」

被網友插完用殘體字，週一（ 4日）周永恒用繁體字發表讓步宣言，不知他是否指自己「放過」被控襲擊他的記者。

北上發展後，周永恒愈來愈強國化，今年 4月 29日 31歲生日時，他用殘體字在 Fb大講「接受」宣言，厚顏扮慘！

周永恒同 Ruby一度吵大鑊、嗌分手，但最後 Ruby還是決定死箍對方。

阿 Yu死心

提到在深圳開 gym，他表示：「同細佬及朋友夾錢，但我會繼續做幕後。」又指前妻阿 Yu（趙頌茹）亦知道他去北京讀書，大家一直有 WeChat聯絡。至於阿 Yu是否支持？周永恒未有直接回應：「俾啲私人空間我哋，唔講我哋啲事，費事變咗太多新聞。」

前夫轉行，阿 Yu表現漠不關心。「我對自己嘅生活好清晰，唔希望有無謂嘅幻想俾大家，我覺得已經係一個完結！」阿 Yu表示跟前夫的價值觀不同，不打算與對方做回朋友。

兩公婆已成陌路人，但有關一對女兒與老豆見面的安排，阿 Yu說：「好弔詭！見面係要由佢（ Roy）先聯絡社工，佢唔聯絡我都控制唔到。」

周永恒常說掛念兩個女，但阿 Yu指他跟女兒見面要經社工安排，他卻遲遲未聯絡社工。

阿 Yu開始了新生活，近期拍港台劇集，工作不斷。

阿 Yu懶理周永恒和 Ruby，預備考化妝導師資格養女。

死好彩

考緊品酒師牌的 Ruby，原來跟周永恒一樣，準備投靠強國搵食。

「佢同阿 Roy間 model公司開始接番 job，之前阿 Roy唔喺香港，都係佢自己出面傾嘢。 Ruby仲好想喺呢行發展，所以周圍𢱑撈，又俾佢好彩識到啲大陸製作人，無啦啦變咗美容達人，幫內地做化妝同美容節目！」知情人說。

周永恒由北京返港後， Ruby心情甚靚，著小背心晒 bra帶落街跑步。

Ruby剛考獲 level 1紅酒牌，想做女品酒師，多條錢途。

Ruby埋大陸製作人堆，在內地變身美妝達人拍美容節目。

之前周永恒向舅父舅母（左一、二）借了不少錢打官司，據知今次開 gym，二人也幫了他不少。

肌佬有錢途

圈中藝人愛做 gym狂操，亦有人索性用自己 body做生招牌，開埋健身室，另闢財路。

陳志健

本身做健身教練的陳志健，做藝人搵唔到食，唯有重操故業，做兼職教健身幫補。「星級」學生包括李思捷、黃宗澤、錢嘉樂、岑麗香、苟芸慧等，做教練好搵過正職。

陳偉成

周秀娜舊愛陳偉成（ Avis）去年投資七位數字，在旺角開設健身中心，最初只打算做老闆，近期才下定決心考健身教練牌，更為喬寶寶減巨腩。

趙勁皓

推出寫真入行的趙勁皓（阿 King），決定善用強項，用自己做生招牌，成立私人健身中心，陳柏宇、吳浩康、胡渭康及何浩文均是他的學生。

鍾意就快D Share啦！

下一篇 》