全城熱爆的娛樂八封新聞 & 時事趣聞 & 生活 + 趣聞
未發現俾鏡頭啄住前，冇戴口罩嘅心悠 BB將長髮收入帽中，短裙仔大踏步，相當吸睛！
娛樂圈係個戰場，無論你幾好條件，都要捱要過關斬將，久而久之，藝人變人精。不過咁，亦有例外，最佳示範，係入行已經十年嘅劉心悠。
有工開開工，私生活儉點，長期高踞女神榜首嘅心悠 BB，廿四歲睇到啱啱滿卅四歲，除咗煲水緋聞，拍拖新聞，零！搞到俾人懷疑佢究竟係咪「喱士邊」！上星期五（一日），同周柏豪拍緊新戲《我老婆係明星》嘅劉心悠冇通告，出動 shopping，中環買到銅鑼灣，但都係睇多過真係落手，冇車冇司機，搭港鐵，放假陪行街嘅，係老媽子。明明係靚女，但門檻咁高，保護罩咁強，心悠 BB唔想做剩女，真係要變吓個陣。
女神有備無患，飄呀飄呀的短裙，隱約見到打底褲邊。
約埋公司同事轉戰銅鑼灣，同媽咪一齊搭港鐵嘅 BB明知記者跟實，全程口罩耷頭。
