2015年5月11日 星期一

人肉速遞飛澳門過母親節 洗米華陪老婆貼面開餐 洗米華,周焯華,



人肉速遞飛澳門過母親節 洗米華陪老婆貼面開餐

2015-05-11 22:00:00



Heidi華嫂之位穩如泰山。

澳門賭業猛人周焯華(洗米華)要照顧今個月30號剖腹分娩嘅正印陳慧玲(Heidi),又經常被影到陪疑似有「華種」嘅女友Mandy Lieu,難得佢同時要兼顧生意業務,仍然分身有術,盡享齊人之福。噚日母親節喺菲律賓出席剪綵活動嘅佢,原來於活動之後已經即時返澳門陪老婆慶祝母親節,足見Heidi華嫂之位穩如泰山。

今日本報收到讀者報料,對方提供咗幾張表示嚟自洗米華囡囡facebook嘅相,包括一張洗米華同Heidi手蹺手,同囡囡周梓潼、爸爸、家姐同岳母大合照,仲有一張Heidi左擁女兒、右手溫馨搭着老公洗米華嘅三人合照,Heidi仲同媽咪各執一束鮮花,齊齊開心甜笑,Heidi事後亦都喺fb上載囡囡送俾佢嘅心意咭,仲冧爆話:「收到寶貝女親手DlY的母親節花和卡,比甚麼禮物都來得珍貴。I love U~」

其實,洗米華近日大多時間都留喺澳門陪Heidi,因為噚日由太陽城投資嘅Solaire Resort & Casino咁啱喺菲律賓剪綵,作為老闆嘅佢必須出席,據知當日儀式結束後,佢即刻坐私人飛機趕回澳門,而今日經再飛往歐洲工幹,相當頻撲。

Heidi原本預產期係6月10日,早前有報道話佢提早分娩,原因係要洗米華每年生日都要留守屋企,但其好友向華強太太陳嵐已開腔替其澄清,指Heidi提早於本月30日剖腹係洗米華意思,因為當日係佢41歲生日,半年前已約好醫生同叫李丞責選好時辰同改名。



讀者報料提供咗幾張表示嚟自洗米華囡囡facebook嘅相。



周焯華胞姐(左),爸爸(左後)及Heidi母親(右)成Heidi最強後盾。

鍾意就快D Share啦!
Related Posts Plugin for WordPress, Blogger...