2015年5月12日 星期二

瞞吳若希偷食 周志文被篤出大台冇得撈? 吳若希,周志文,



【情場金手指】瞞吳若希偷食 周志文被篤出大台冇得撈?

2015-05-12 10:44:00



(微博圖片)

大台當家花旦小生青黃不接,唔少爆紅嘅小生同花旦都北望神州,難怪大台開劇,要搵一班嫩到演技唔多掂嘅小花旦,谷上一線角色,好似吳若希、蔡思貝、陳凱琳及何雁詩等,成日喺公仔箱輪住見,不過一班後生小花同小生成日一齊,隨時日久生情!

今日有周刊爆,「巨聲」大孖周志文喺大台發展一直好過細孖周志康,雖然唔係話擔正做咩重要角色,不過至少有機會出吓鏡,早前仲傳「食女王」大孖周志文同吳若希拍拖,可惜男方疑瞞緋聞女友偷食,先後追劉佩玥、陳瀅及何雁詩,激嬲吳若希,吳若希一向有星夢何哲圖及綜藝科余詠珊撐腰,要篤死男友,認真易過借火。

據報道講,大孖周志文份約未滿,就聽聞自己將被炒魷,佢都曾向《衝線》藝員講過呢件事,不過唔係好多劇中嘅演員有理佢,當中亦有人叫周志文去now見工,有傳當時周志文同其他人講佢唔會去呢啲地方,大隻仔溫家偉都試過陪周志文去樂易玲面前求情,睇吓有冇彎轉,似乎都係行唔通,今個月10號,就係周志文最後一日喺大台嘅last day。

該報道透露,今次周志文冇得喺大台留低,盛傳係有人篤佢背脊。據知,周志文上年同吳若希拍《衝線》秘撻,今年2月一齊去環球嘉年華拍拖,吳若希媽咪出事時,佢都一直陪住女方,兼夾口供聲稱係「好朋友」,當時佢哋搵埋好兄弟溫家偉做「電燈膽」。

不過,男方有傳唔多生性,早前同劇中嘅新一代「發電機」蔡思貝玩得好埋,仲不時摸手仔,吳若希都冇出聲,男方仲變本加厲,有次同吳若希行街,竟然私下同陳瀅及何雁詩發訊息,吳若希有感男方對自己唔係真心,決定向公司投訴對方,公司怕「食女王」,令大台花旦形象受損,先唔畀對方留低。



一班《衝線》藝人。(微博圖片)



周志文不時搵好友大隻仔做「煙幕」。(微博圖片)

鍾意就快D Share啦!
Related Posts Plugin for WordPress, Blogger...