掃呢頁CODE去手機

2015年5月17日 星期日

嫌鄭嘉穎年紀大 陳凱琳父母介入戀情 凱琳,鄭嘉穎,嘉穎,陳凱琳,



鄭嘉穎同陳凱琳(Grace)早前因拍戲傳緋聞,嘉穎接受訪問時更揚言,希望同Grace有發展空間。而Grace似乎都唔抗拒同嘉穎呢段「父女戀」,不過有傳Grace嘅父母就嫌鄭嘉穎年紀大,Grace媽媽一怒之下仲同老公一齊離港出走添。

今日(5月17日)有報導指,Grace屋企人覺得囡囡有學歷、有家底,點都應該搵番個乖仔,咁先叫襯得起佢;點知Grace竟然揀鄭嘉穎呢個花心蘿蔔,仲要大過Grace二十年有多。Grace父母梗係唔鍾意啦,加上佢哋又擔心囡囡被玩,急急叫Grace同鄭嘉穎斬纜。不過據知情者透露,Grace今次第一次拍拖,遇著鄭嘉穎呢個冧女高手,Grace完全嗒晒糖,點會想分手。

據知,Grace同媽媽因呢件事鬧到好僵,早前問到父母知唔知二人戀情時,Grace更透露主導權喺自己手,睇嚟毫無讓步嘅意思。見個女為男人同自己撐到行,Grace媽媽心淡兼嬲爆,仲趁母親節拉埋老公離港出走。而Grace唯有喺母親節當日上載同媽媽舊合照,又留言:「I Miss You」,試圖喺網上留言氹媽媽啦。
有傳媽媽嬲到走人,Grace就留言話掛住媽媽
鍾意就快D Share啦!