2015年5月11日 星期一

冇諗輻射問題 Miki擬日本影婚紗相 Miki,楊愛瑾,



楊愛瑾(Miki)今日(5月11日)以一身和服打扮,現身尖沙咀為日本清酒文化祭做宣傳。

早前有指Miki同永安太子爺郭永淳已經訂婚,下年就會舉行婚禮,問Miki幾時會擺酒慶祝,佢話:「依家仲未有開始計劃,所以唔知道係點。」至於幾時影婚紗照,Miki就透露仲未有特別諗過,不過就會考慮去歐洲或者日本,仲想帶埋隻狗仔一齊拍。

會唔會擔心日本核輻射影響生BB?Miki就話:「我哋冇真係去傾呢個問題,如果大家傾完之後覺得唔去比較好,就會唔去。」之後Miki仲透露最近開始做一份朝九晚五嘅文職工作,至於係咪為咗融入婚姻生活,Miki就話:「我們大家認識嘅時候,佢都知道我嘅工作模式係點樣,只要係我鍾意嘅,相信佢都會支持。」
鍾意就快D Share啦!
Related Posts Plugin for WordPress, Blogger...