2015年5月11日 星期一

顏福偉新MV 反串扮學生妹! 顏福偉,



【短片】【為同志發聲?】顏福偉新MV 反串扮學生妹!

2015-05-11 17:04:00



其他影片:>>






顏福偉新MV 反串扮學生妹!

日前白花油王子顏福偉,就推咗一首新歌,叫做《Don't Beat The Kids》,近日喺fb流傳緊,首歌個內容同歌名一樣,就係叫人唔好打小朋友,不過MV入面,原來有好多含意o架。

先講唱功同音樂,只能講一句,顏福偉keep到一貫水準,好唔好聽呢,就睇大家識唔識欣賞啦。仲有就係顏福偉嘅舞蹈,佢跳到旁若無人,因為佢同一班小dancer嘅舞步完全唔齊,只能講佢真係太投入,太陶醉。

講到MV內容,就同歌名一樣,叫人唔好打小朋友,但當中值得留意嘅係有同志情節,其中有兩個男演員手拖手,之後就有個「包租婆」出嚟阻止,但係顏福偉就拎住個牌出嚟阻止,叫人唔好打細路。最後講到嗰兩個男演員都係手拖手完結,似乎就係為同志發聲喎。正所謂「寶物沉歸底」,最精彩嘅嘢就留喺最後,因為最後仲可以見到顏福偉扮學生妹,嗯…驚嚇定有趣…都係睇你識唔識欣賞啦。

識睇一定係睇留言,呢句說話真係冇錯,睇得完條片,網民反應都好熱烈:「首歌無乜嘢呀,Mv係搞下笑咁,幾輕鬆呀。」「正正經經搵個女仔坐喺電視前面真係咁難?!」「最後都係想交待佢自己嘅取向…」「係咪叫警察唔好打細路呀?」



呢個學生妹加兩男拖手,都係出現喺同一個MV。



舞蹈...睇你識唔識欣賞。



今天不要打小孩...個意思係唔錯嘅。



兩男細個拖手。



畀人反對?唔怕!等白花油王子出手...hehe



最後兩男都大個咗,可以光明正大手拖手。



最後畀個白花油王子妹大家睇。



網民留言



網民留言



網民留言

鍾意就快D Share啦!
Related Posts Plugin for WordPress, Blogger...