掃呢頁CODE去手機

2015年6月28日 星期日

吳若希抵唔住攻擊 怒甫對話插網民 吳若希,



吳若希尋晚疑似咪嘴唱歌,畀網民批評,佢就即反擊。而今日佢又Post對話內容想證明冇收樓同車!

next 1/1 pre

吳若希仲話應該搞大啲,拉埋樂易玲落水!

next 1/1 pre

而佢尋晚畀網民話係咪嘴呃人,Jinny就反撃話佢哋唔知頭唔知路!

next 1/1 pre

仲話要Block咗佢哋!

next 1/1 pre

吳若希(資料圖片)

next 1/1 pre

樂易玲(資料圖片)

next 1/1 pre

歌手吳若希(Jinny)繼早前被傳搭上現時50歲、人緣甚廣嘅林棣權(Timothy Lam)後,又再有報道指林棣權向一直揚言要買樓嘅Jinny送上跑馬地千萬豪宅及價值80萬嘅電動車,Jinny一氣之下今日喺Instagram自爆一段相信係同林棣權嘅對話,以證明自己清白!

甫對話證明冇收禮物

Jinny與林棣權嘅對話亦相當寸嘴,Jinny就同佢講:「今日有記者話我知你又買左(咗)嫁(架)唔知咩野(嘢)既(嘅)電動車同係(喺)跑馬地買左(咗)層樓俾(畀)我~咁客氣呀!係你直接話我知呀嘛」林棣權隨即寸爆回應,直指報道中所寫嘅電動車型號對自己同Jinny而言好Cheap,又笑問點解每次都關佢事!

Jinny又繼續諷刺報道,仲話應該拉埋無綫高層樂易玲落水「再作大啲」:「其實今日記者問既(嘅)時候我好想答,唔係,其實你係買嚟送俾(畀)樂小組~橫掂都係作,我覺得應該再作大d(啲)!」Jinny更Tag埋「浪費口水」、「唔會再答十哥既(嘅)野(嘢)」表達對報道嘅不滿。

咪嘴事件同網民開火

其實除咗收禮物一事外,Jinny火爆指數已一早開始升溫,事關當Jinny喺Instagram大晒與許廷鏗同鄭俊弘出席直播節目嘅相後,有網民留言狠批Jinny喺直播時咪嘴唱《眼淚的秘密》,近排喉嚨生繭嘅佢見到留言後反駁該網民:「唔知頭唔知路,係(喺)度嘈~好好奇你地(哋)又唔係我fans,又唔知發生咩事,又唔去find out發生咩事,反而用你地(哋)d(啲)咁寶貴既(嘅)時間係(喺)度留言,係咪太得閒?!」

與網民激戰幾句後,Jinny又再次「爆seed」,揚言要Block人不特止,更戲稱:「我d(啲)人氣咪咁儲返嚟lor(囉)~~~多謝你地(哋)」火藥味極濃!

鍾意就快D Share啦!