「廁所舞」大家有冇聽過或睇過？其實《壹》仔都冇。
近日台灣美少女張雅姐，聯同劉俊廷、Lucas拍咗條名為「還在小蘋果？廁所舞看過沒」嘅短片，放咗上YouTube，並解釋「廁所舞」嘅由來，「有一天我們突然想上廁所，找遍了全東區都沒有得借，士林夜市還要收費20元，所以我們三人研發了隨時能舒服上大號的廁所舞」。
唔理原因係真係假啦，呢隻「廁所舞」嘅場景係喺男廁（因為有尿兜），3人換上唔同裝束、起勢咁跳，張雅姐仲晒美腿；《壹》仔就覺得幾得意喇，仲有少少型添！唔少網民睇到都留言，「不錯阿」、「單純看腿的...」、「想看在殯儀館停屍間跳的舞會是什麼舞」、「哈哈哈哈!!!穿的應該是男人的內褲吧」。
