李龍基最近起用新人Amy（艾美琦）同Ava（成鎵羽）做個唱嘉賓，其實過往圈中唔少男前輩專俾機會小妹妹。好似學友，喺04年就搵咗仲未正式出道嘅王菀之喺自己嘅個唱做嘉賓。
許冠傑梗加係人辦啦。喺99年許冠傑做創作總監嘅舞台劇《仲夏夜狂想曲》， 佢就起用咗未紅嘅梁詠琪同千嬅做主角。許冠傑仲試過力捧官恩娜（Ella），搵佢做旗下組合「Sam’s Angel」成員，Ella仲做埋許冠傑演唱會嘉賓，許冠傑台上仲忍唔住啜Ella添。
至於郭富城 06年拍〈風之子〉MV，都欽點當時無人識嘅熊黛林擔任女主角，後來二人仲拍出愛火。所以話，唔少男前輩真係特別愛好撐小妹妹！
