掃呢頁CODE去手機

2015年6月21日 星期日

NBA柏加夜蒲老蘭 同大胸女辣舞直落酒店





其他影片:>>






去年再婚嘅NBA馬刺球星柏加噚日嚟到香港,《蘋果》記者喺12點左右,見到柏加同埋朋友十幾人去到蘭桂芳一間夜店出席活動,柏加喺一點鐘正式出場,全場已經興奮尖叫,之後佢仲做埋DJ,去到控制台幫手打碟,之後仲拎埋咪做MC仲有rap,又同fans一齊跳舞,喺台上玩咗45分鐘之後,柏加就轉咗去台下嘅VIP區同自己嘅朋友玩。

喺VIP區,柏加同埋一班朋友圍埋飲酒跳舞,而柏加飲酒就唔係一杯一杯咁飲,而係成支香檳拎住飲,VIP區除咗柏加同朋友之外,其他人就唔可以入去,但係有啲女仔就可以去同柏加一齊玩。

雖然柏加已經有老婆,不過其間有一個綠衫大胸女同佢跳貼身舞,兩個跳到下半身貼下半身,柏加嘅手仲喺綠衫大胸女嘅大髀至屁股附近遊走,仲會喺後面攬住大胸女,咬晒耳仔好好傾,個綠衫大胸女仲全程坐喺栢加隔籬。

玩到3、4點,佢哋就離開夜店,綠衫女刻意唔同柏加一齊走,反而同柏加嘅朋友離開,喺離開前綠衫女仲同柏加嚟個眼神交流,之後柏加同綠衫女分開上車,佢哋一行人坐咗三架車分開走,但最後三架車都係返咗柏加所住嘅酒店。

(採訪、攝影:楊浩賢、陳辰) 柏加有RAP。 仲有打碟。
又跳舞。 跳舞跳得好貼身。
下半身貼住下半身。 隻手仲喺大髀至屁股附近遊走。
最後大胸女同咗柏加朋友一齊上車,但架車都係去咗柏加住嘅酒店。
鍾意就快D Share啦!