掃呢頁CODE去手機

2015年6月21日 星期日

楊冪劉愷威女兒曝光 被指似爺爺劉丹 劉愷威,楊冪,劉丹,



劉丹個仔劉愷威之前拍住阿爸參演過《真情》、《皆大歡喜》等劇,喺大台都係紅唔起,但自從2005年返大陸拍劇,星途就有起色,變知名小生。愛情路上同樣得意,2013 年尾娶大陸一線女星楊冪,之後生咗位千金「小糯米」;二人好重視囡囡私隱,一直無透露小糯米嘅真名同樣貌。

劉愷威近年被唔少人比較佢剛出道同依家個樣,話有明顯分別,包括白淨咗、單眼皮變雙眼皮、扁鼻變間尺鼻,但佢堅稱自己個樣無添加;無獨有偶,老婆楊冪個樣都被指有好大分別,而楊冪話只係因為箍牙令面形唔同咗。而小糯米個樣似邊個多啲,一直係網民關注焦點。

尋日(6月20)係小糯米農曆一歲生日,有傳媒就拍到小糯米個樣,乍看就似爺爺劉丹、同埋爸爸劉愷威細個時個樣。有傳媒目擊小糯米嫲嫲帶佢去尖沙咀上Playgroup,從照片見到小糯米係單眼皮,粗眉大眼、鼻扁扁,加上小朋友Babyfat,真係好得意。
鍾意就快D Share啦!