2015年8月9日星期日

姚嘉妮密會跳舞老師林祖輝護妻：送朋友返去係禮貌林祖輝,姚嘉妮,嘉妮,

【短片】【正常社交】姚嘉妮密會跳舞老師林祖輝護妻：送朋友返去係禮貌

2015-08-09 02:59:00

其他影片：>>

【正常社交】姚嘉妮密會跳舞老師林祖輝護妻：送朋友返去係禮貌

姚嘉妮近日被指背夫偷食，同37歲嘅菲裔跳舞老師AL過從甚密，更被影到疑喺沙灘拖手漫步同到訪男方寓所短敍，老公林祖輝則愁爆同友人吹水。

今日姚嘉妮O係沙田首度露面，仲同老公及仔女一起睇李行齊國際魔法城堡，以行動證明一切。講到周刊報道，嘉妮都一一否認，佢話：「我有好多朋友，AL都係我好朋友，會一齊食飯去街，好正常社交，唔覺有乜特別。」講到拖手照，祖輝即代妻解釋話係角度問題，仲話可以即刻示範畀大家睇，話成件事好流，對太太絕對信任，嘉妮解釋當時對方應該係拉一拉佢，類似行錯路咁。

問到嘉妮係咪去過AL屋企？佢話：「我有送佢返屋企，但冇上去，要作點都作到，當日都知有狗仔隊跟我哋。」嘉妮話O依家有繼續學跳舞，但冇上過AL嘅私人班，至於以後會否避忌？她就表示可能會，但都要睇情況，需要送返屋企，唔會唔送，祖輝即話有時送朋友返去係禮貌。問祖輝識唔識AL？佢話唔識，不過AL事後都有send短訊同佢講唔好意思。

之後祖輝又提到陳煒之前亦都同AL傳緋聞，陳煒同AL張合照，其實佢都O係側邊，只係登出嚟被cut走咗。嘉妮又話唔想樣樣澄清，清楚佢嘅朋友知佢係乜人，其他唔需要解釋。

林祖輝今日表示對老婆姚嘉妮百分百信任。