掃呢頁CODE去手機

2015年8月9日 星期日

呻湊女辛苦冇得抖 朱茵開工當放假 朱茵,



同黃貫中(Paul)育有一名寶貝女嘅朱茵,呢排喺內地發展,好受歡迎,佢早前接受當地傳媒訪問,大談湊女經,話媽媽係全世界最辛苦、最冇時間休息嘅身分;仲話就算經理人公司安排咗好多工作俾佢,都唔夠湊女辛苦,依家當錄影同工作係放假。

朱茵又話個女就嚟三歲,越嚟越乖,知道媽咪要返工,冇咁多時間陪佢,又話阿Paul會趁佢唔喺屋企嘅時候抽時間陪女,佢都好開心。

最近,劉鎮偉宣佈準備開拍新一輯《大話西遊》,之但係「紫霞仙子」唔係由朱茵演出,搞到fans鬼咁失望;朱茵就話啱啱拍《大話西遊》嗰陣冇諗過紫霞仙子會成為好多人嘅女神,希望觀眾唔好俾新一輯太大壓力,放鬆睇戲。

朱茵又建議將會飾演紫霞仙子嘅唐嫣放鬆啲,盡量演番自己。
鍾意就快D Share啦!