掃呢頁CODE去手機

2015年8月9日 星期日

徐子珊放棄愛情尋找人生目標 「我未了解到自己想要乜」 徐子珊,子珊,

對現在的子珊來說,愛情並不是必需品,反而會令她迷失自我。

【太陽報專訊】「每個女仔都視結婚及生仔為人生目標。」這番話套在兩年前的徐子珊身上很正確,但所謂女人善變,現年36歲的她已有另一番體會,認為自己正處於人生迷失階段,虛幻的愛情反而令她更困惑,故寧願放棄!沒有感情寄託的子珊嘗試轉戰幕後執導演筒,同時修讀珠寶設計,誓要作全方位發展!

文:影視組 攝:唐豁莊

藝人在水銀燈下的生活多姿多采,其實卸下華麗裝束之後,根本與普通人無異,也會經歷戀愛、結婚和生小朋友等階段,分別就只在高調還是低調處理,有人選擇嫁入豪門便引退,有人繼續默默耕耘,不過原來還有第三個選擇:棄愛!貴為無綫花旦的徐子珊,有事業、有樣貌、懂得多國語言,裙下之臣多的是,但她偏偏認為拍拖並不是生命中的首要事情,認真你急佢唔急!

生命除了拍拖,還有……

猶記得兩年前的子珊,曾在訪問中透露欲如普通女性般組織家庭,還憧憬婚後全心照顧家庭、生小朋友……時至今日,再問子珊,看法原來已有180度轉變,果然善變是女人的專利!

雖已達適婚年齡,仍然單身的子珊卻看得淡然,問到會否想拍拖?她竟說:「我覺得呢樣嘢喺呢個時間唔重要,同埋會有少少質疑愛情對生命係咪咁重要,將來就唔知,總之唔係特別令我心靈上會有滿足感,亦唔會帶到心境平和。」她自言處於迷失期,不適合陷入愛情增加自身負擔:「愛情係一樣好虛幻嘅嘢,依家呢個階段只會令我更加Confuse。(覺得自己迷失啲乜?)我都唔知自己係邊個,過去咁多年一直都好忙,根本唔了解自己係點嘅一個人,呢兩年靜少少就會停低諗,會了解自己多咗!」

原來,做導演好有趣……

曾獲《香港電影金像獎》「最佳新演員」的子珊,在11年的演員生涯中主力拍電視劇,即使曾奪影壇殊榮,也沒有多花時間於電影之上,對本有機會大展拳腳的她來說有點可惜,幸好子珊一直未有放棄電影夢,只是崗位方面有所改變:「嚟緊我會開始試幕後工作,有行內人建議除咗演員之外,亦試吓其他崗位,開頭聽都唔信,會驚囉!但當幾個唔同人都講同一番話,有機會我都想試吓。有時同佢哋傾外國電影,佢哋會驚訝原來我都有研究,好似法國電影題材同亞洲好唔同,我平時睇好多法國戲。(想做邊方面嘅幕後?)冇咩所謂,有前輩叫我試吓做導演,最好自己有古仔。(有冇構思?)都有諗吓古仔,咁會全面啲,其實都有人同我傾緊,慢慢構思又唔急嘅!」

我想,為自己下決定!

近年不少無綫花旦離巢,接近約滿的子珊透露公司一直與她緊密聯繫,亦有不同方案給她選擇,惟她尚未知道將來的路應如何安排,故內心極為苦惱,不斷掙扎下仍未有答案:「我未了解到自己想要乜,呢11年以嚟好似冇為自己去做一啲決定,所以唔知自己要乜,唔想心未定就去做重大決定。(有冇構思未來方向?)想,但暫時未做到,只知會繼續喺演藝行業,同時想做珠寶設計,都想做社會公益,點落實暫時諗唔到。有珠寶公司覺得可以同我合作吓,嚟緊想推出一個系列,會賣(口架),但我未諗到個名。(幾時推出?)冇咁快,傾緊合作方法啫!依家集中時間上課學吓嘢先。」場地:如心艾朗酒店

子珊從另一個角度切入,變身「徐導」一樣可以繼續電影夢。除了演藝事業外,子珊還進修珠寶設計,發掘新的興趣。徐子珊放棄愛情尋找人生子珊曾在金像獎中奪下小金人,演技早受到肯定。
鍾意就快D Share啦!