2015年8月5日 星期三

型過 Sam哥 聖類斯男神要做飛機師 [FACE - 428 - 大專校園] Sam,許冠傑,MF,



喬駿( Calvin)聖類斯中學中六

在香港出世,曾經在尼泊爾生活了十年的 Calvin說:「以前尼泊爾間屋有兩層,一層二千幾呎,好大好舒服,所以啱啱返到香港,屋企得幾百呎都唔係好慣。」

U花 U草

型過 Sam哥 聖類斯男神要做飛機師

粗眉大眼、潔白牙齒、強勁臂彎、六嚿腹肌,尼泊爾 x香港混血兒喬駿( Calvin)完全集合各項男神條件,真係要學陳冠希金句” You seem like fun”。剛剛中六 DSE放榜,雖然成績未能考入大學,但 21歲的他好有理想,一早做好準備投考國泰做見習飛機師。

原來 Calvin尼泊爾籍的爸爸是飛機師,小時候經常帶他出入機場,「爸爸喺我好細個嘅時候過世,不過可能因為細個成日對住啲飛機,爸爸又成日會帶我去機場玩,仲有時會帶我入駕駛艙睇佢揸飛機,令我對飛機產生興趣都唔奇。通常有個飛機師老竇都會教個仔關於飛機嘅知識,但我係靠自己睇書,打機玩 flight simulator嗰啲。讀中學上堂有時悶,就會坐喺班房扮駕駛艙做飛機師,做機長或者副機長,同學就坐我隔籬,之後會起飛,認真得嚟都幾好笑!」

一心投考飛機師的 Calvin,平時一得閒就會睇關於飛機的書籍、研究不同機種的引擎、不同飛機的型號,「其實我報考了國泰 Cadet program,呢個 program唔使話要讀完大學先可以考,我𠵱家打埋份 essay就可以遞表等面試,希望得」

如果 Calvin真係考到,咁啲空姐會唔會好恨同佢衝上雲霄呢?

10歲從尼泊爾回香港生活,中文由零學起, Calvin大讚全靠媽媽日日捉住佢隻手學中文,「𠵱家中文成績係麻麻,不過英文 oral有 5**,叫做有英文搭救番。」

原來大隻 Calvin打開欖球,「打咗欖球之後成日要碰撞,又開始健身做多咗運動,大力咗自然大隻!」

出身於男校的 Calvin自言學校沒有男神之分,性格好動的他說:「學校嘅同學同老師都好活躍,而且好自由,返學着波鞋都冇問題,所以好唔捨得間學校!」

Calvin從小開始經常近距離接觸飛機,仲入埋駕駛艙,難怪他對飛機產生濃厚興趣。

鍾意就快D Share啦!
Related Posts Plugin for WordPress, Blogger...