掃呢頁CODE去手機

2015年9月11日 星期五

去年12月生完 陳浩民老婆肚凸凸 又有咗? 陳浩民,



家計會早排推新廣告,勸人多生仔,話:「只要計劃好,想生幾個,心中有數」,拿,生兩個呢,就打孖上;生夠四個呢,可以搞大合唱;生多啲呢,仲可以組籃球隊。

港爸港媽大嗌離地,但估唔到已經做咗半個強國人嘅陳浩民,已屆45歲,一樣有心好力,同老婆蔣麗莎(Lisa)三年抱三,一仔兩女,一家五口,美滿家庭,好幸福啊!

Lisa同老公一樣,不時喺微博貼佢哋一家嘅相。今日佢就貼咗一輯成家去馬房玩嘅相喇,咦,抱住囡囡嘅Lisa,個肚好大喎……唔通又有咗?

網民即留言恭喜Lisa,仲大讚佢哋生B嘅速度好快。不過睇番Lisa上個月嘅微博,又係去馬房玩嘅相,當時Lisa嘅身型都仲好fit,冇理由漲得咁快0架?所以有可能其中一輯係舊相,但亦有可能係角度問題,又或者係食得太飽嘅……如果真係有咗的話,真係想問一句,全盛期嘅陳浩民可以造幾多個BB呢?

其實全盛時期嘅陳浩民,都成日俾人懷疑佢又做老竇。今年4月,兩人出席活動時,發現Lisa身形好似又豐滿咗喎,上年12月先至生完第三胎,唔係咁快又……佢一聽到即問太太:「係咩?你又懷孕咩?」又笑笑口話:「每次都係意外,去親旅行都係咁,總之順其自然啦。」會唔會每年「興奮」一次?佢話:「好喎,keep住佢。」嘩……咁家計會下次再拍「催生」廣告,記得搵埋陳浩民一家喇。

陳浩民生B時間表

2011年11月30日:大女雅薷(Elizabeth)出世

2013年9月23日:囝囝璟逸(Cyrus)出世

2014年12月12日:細女若嫣(Isabella)出世

2015年?月?日:細仔/女(名未知)出世(好似係)

留心睇Lisa個肚。(Lisa微博圖片) 但係8月尾貼嘅呢張相,個身型就咁fit。(Lisa微博圖片) (Lisa微博圖片)
(Lisa微博圖片) (Lisa微博圖片) 今年4月,兩公婆出席活動時,就令人有錯覺以為去年12月至生完嘅陳太又有咗。
鍾意就快D Share啦!