2015年9月3日 星期四

亂世揸威士忌,有得諗! [壹週刊 - 1330] M1,



呢套撲克牌系列,據講全世界得五個人集齊全套。

爆壹爆

亂世揸威士忌,有得諗!

威士忌熱潮愈炒愈熱,求其一個香港人都會買支返屋企扮有品味。但有啲嘢唔係個個俾得起錢,上星期爆哥參加一個威士忌拍賣會,就差點嚇屎。其中已閉廠停產嘅羽生撲克系列全套五十四支,同埋輕井澤( Karuizawa)嘅 1960-52 Year Old-The Cockerel,最終分別以港幣接近三百八十萬及九十二萬元成交,比最高估價仲要貴五成,刷新咗日本威士忌拍賣世界紀錄,認真飲一啖都要幾千蚊。

雖然爆哥買唔起,但點都要到場同兩套世紀貴酒影張 selfie,咁啱撞到一個威士忌收藏家朋友,佢淡淡定咁話已經擁有呢兩套珍品,仲話:「呢支 1960年輕井澤只得四十一支,我睇住朋友開咗兩支,真係買少見少㗎喇,所以今晚呢個價錢成交一啲都唔出奇,我相信會繼續升值添。」哦!收到!亂世除咗揸美金,威士忌都係值得考慮。

究竟九十幾萬一支嘅酒係咩味道先,呢個朋友就話好好飲,形容層次仲好複雜添,「有果香、花香、木香、朱古力味等十幾種味道,飲完半個鐘,口腔仍然回甘。」爆哥聽咗等於冇聽,但起碼第時同班兄弟吹水,都可以扮吓嘢吖嘛,超,冇咩特別呀,雜果賓治咁樣囉仲問。

九十幾萬一支酒咁貴,嚇鬼呀!

SM私影女:紮糉、滴蠟

去完金鐘高級拍賣會,當然要去 MK平衡吓個心理,爆哥人面廣,當然搵個𡃁妹來吹吓水啦。其中一個叫 LLuvy,呢期網上都多宅男追捧,依家都算半個娛樂圈人,做𡃁模出寫真,又做網上成人節目嘅主持,所以呢幾個月,都見佢有出席公開場合。而佢未入娛樂圈前,同好多女仔一樣,都係做私影。不過, LLuvy做嘅私影比較另類,唔係一般三點式水著,或性感內衣褲,而係玩 SM主題超激嗰款。

LLuvy曾經同爆哥講,香港唔少男仔,特別係西裝友,唔知係咪睇得日本 AV片多,好鍾意研究 SM文化,不過又唔好意思搵自己老婆或女友玩呢味嘢,驚俾人話變態喎,所以會約私影妹影吓 SM主題嘅相,止吓咳都好。 LLuvy話見有客路,而且影兩個鐘就有千幾蚊,所以就買咗幾件 SM道具,膽粗粗入行。而最多客人影嘅主題係捆綁,即係將個女仔綁到成隻糉嗰種,綁完之後再滴蠟,雖然啲繩同蠟燭都係特製低溫蠟,唔會整傷人,但睇見都得人驚,呢啲堅係辛苦錢呀大佬。

同黃夏蕙合照,都叫殺入娛樂圈呀!(《蘋果日報》圖片)

迷信會出事㗎嘛

話說司徒法正前徒弟阿儀向佢追討一千萬,上星期有報紙傳出兩人會在法庭和解。阿儀即刻打俾爆哥呻,斬釘截鐵話:「冇可能和解!」

阿儀出身富裕之家,但其後發生家族糾紛,佢懷疑姐夫落降頭,於是搵司徒法正幫手,四年來阿儀自言盲信司徒法正,使過千萬種生基,甚至「養鬼仔」,最終得個吉,運程毫無改善喎。錢多作怪,阿儀一家人搞到十寃九仇,佢人生最徬徨無助嘅時候,就被人利用做法事改運,其間仲不斷要求加錢,話會加強法力,最後大拿拿冇咗成千萬。

爆哥聽講,警方調查緊案件有冇涉及刑事詐騙,另外,有人又質疑司徒法正收咗千萬元酬金,點解稅局唔追收稅款嘅?講開又講,當年陳振聰為龔如心「祈福作法」,前前後後收咗廿一億,最終被稅局追收三億四千萬稅款呀,睇嚟有人有排頭痕喎。

司徒法正徒弟阿儀的入數單據。

爆哥乜料

金融界撈家,穿梭黑白政商界,朋友遍布旺角至中環,每星期都八到

唔同料,同《壹》仔讀者過吓癮!

鍾意就快D Share啦!
Related Posts Plugin for WordPress, Blogger...