熱爆娛樂: 先睹為快　養子開綠燈　 42歲張慧儀帶富商新歡返歸過夜 [壹週刊

2015年9月3日星期四

先睹為快　養子開綠燈　 42歲張慧儀帶富商新歡返歸過夜 [壹週刊 - 1330] 張慧儀,M1,

26/8

當晚張慧儀同富商男友去完夜街，由司機載兩人返女方紅磡香閨過夜。著短褲騷靚腿的她，全程同男友甜笑。

探熱針

先睹為快　養子開綠燈　 42歲張慧儀帶富商新歡返歸過夜

張慧儀 03年經歷過舞王未婚夫霍紹裘當沙包虐打後，從此斷絕異性埋身，寧願全副精神放在患先天性心臟病的養子 Hanson身上。直至去年，認識了在廣州做飲食生意的富商羅定民，張慧儀嘗試解封，可惜又過唔到養子一關。

數月前， 42歲張慧儀終於遇到 Mr.Right陳偉軍，但拍拖唔要二人世界，反而不時三人行，讓做物流生意的新歡，盡快同養子 Hanson實習家庭樂。

做埋湊仔公

年屆中女，對象市場愈嚟愈窄！張慧儀要為自己搵歸宿，同時為養子 Hanson搵個好爸爸，一直謹慎擇偶。和在內地做飲食業的富商羅定民斬纜後，早前再遇到另一個令養子開綠燈的男人。

上週二（八月二十五日）傍晚，本刊發現張慧儀的新男友，揸住過百萬平治坐駕，到女友紅磡寓所接載兩母子外出。送了張慧儀到佐敦會合葉蘊儀食飯， Hanson冇落車，反而跟住媽咪男友返回大埔比華利山寓所，做柴可夫之餘，新歡做埋湊仔公。

飯局到凌晨，飲到腳步浮浮的張慧儀，由葉蘊儀載走送返屋企。

雖年屆中女，但她仍 keep到一副好 body，為纖體公司做代言。

過往異性對張慧儀展開追求，必須先過視如己出的養子一關。養子唔鍾意，她即斷交。

前年拍《 M Club》時， Dry爆的張慧儀在戲中與陸永搞姊弟戀。

三間公司董事

據了解，張慧儀的 Mr.Right陳偉軍，是「浩洋國際投資」、「明記貨運」及「明記物流」三間公司的董事，在物流界甚有影響力。已失婚多年的陳偉軍，育有子女，家住三千多萬比華利山外，亦手持沙田豪宅名城千萬單位，名下擁有多部過百萬 Benz，好有米。

不過，對方有本事令張慧儀拆除防線，主要原因是男方識得如何同 Hanson相處。

28/8　預習家庭樂

「一家三口」當晚到九龍城食完飯，富商男友先行離開攞車，隨後步出的張慧儀兩母子，則行去鋪頭買完一棵植物，才會合男友上車。

原本揸架白色平治的他，駛到紅磡碼頭，會合男友人駕來的另一部，以他旗下公司登記的黑色平治交換揸，轉車時不忘拿回一部玩具車。

打晒招呼，睇嚟張慧儀完全融入男友的朋友圈。

之後富商男友送張慧儀兩母子返紅磡屋企後就走，沒有留低過夜。依依不捨的張慧儀，回頭望男友坐駕。

夠愛心過到關

「 Angie（張慧儀）同呢個男友其實識咗差不多一年，係一啲生意朋友介紹，對方都追咗佢半年，但 Angie好小心，觀察咗好耐，又專登帶埋個仔一齊食飯約會，測試對方對小朋友有冇愛心，識唔識得同 Hanson相處。估唔到陳偉軍好有耐性， Angie有時去見客，要搵人幫手湊仔上課外活動，佢會主動湊 Hanson去呢度去嗰度，所以 Hanson好鍾意佢，攞晒分！加上個男人係白手興家，各方面都符合晒 Angie心目中條件，佢同啲朋友講，話呢個係佢一生中遇上對佢最好嘅男人。拍拖唔係好耐，但大家已經認定對方係結婚對象。」知情者說。

難得有陳偉軍做湊仔公，張慧儀跟葉蘊儀開心敍舊，當晚她飲到腳步浮浮，之後由葉蘊儀送返家。

張慧儀拎住兒子 Hanson的行李落樓，兩母子登上陳偉軍的坐駕後，陳偉軍先送她去佐敦，再帶 Hanson回他家過夜，做湊仔公。

在《女人俱樂部》眾女角中，張慧儀算 keep得不錯，難怪不乏追求者。

三人行拍拖

上週二晚幫女友照顧 Hanson的陳偉軍，翌日中午離開比華利山寓所，由司機揸另一架 Audi七人車，到紅磡接女友外出，至晚上十一點，二人繑住一齊返回紅磡張慧儀香閨過夜。

熱戀期，見少日都唔得！上週五（二十八日），陳偉軍駕着另一部 Benz出動，接女友同 Hanson到九龍城食飯。

「一家三口」晚飯個半鐘，之後男友先行去攞車，張慧儀則拖住 Hanson去買嘢。送兩母子返紅磡後，陳偉軍就離開沒有留宿。

「個男人雖然離咗婚，但啲仔女係跟佢住；要將兩頭家融合， Angie同男友都好俾心機，一步步慢慢嚟！」知情者說。