掃呢頁CODE去手機

2015年9月3日 星期四

拍拖兩年 執業大狀 麥明詩牛津男友起底 [壹週刊 - 1330] 麥明詩,M1,



娛頭

拍拖兩年 執業大狀 麥明詩牛津男友起底

十優港姐麥明詩大熱勝出,卻被亞軍龐卓欣和季軍郭嘉文聯手杯葛,變成獨孤精。做唔成「友誼佳麗」,名花有主的麥明詩一樣有拍拖兩年的大狀男友林作( Joe Lam)呵番,男友家境富裕,是清洪徒弟,跟女友同樣系出名牌大學,牛津法律系畢業,女友參加選美鬥靚,他一直在背後支持,二人早已見過家長,感情穩定。

清洪徒弟

有網民話出爐港姐冠軍麥明詩又靚又叻,起碼要十億富豪先夠資格追求她。

其實麥明詩天生愛才,在英國劍橋讀書期間,幾個男友幾乎全部是法律系學生,包括劍橋同學四眼 Derek,之後跟斯文靚仔 Jason撻着,不過兩男都好快被她叮走。

之後,麥明詩認識了來自牛津的林作,二人至今已拍拖兩年,在朋友圈已是公開的一對。做得十優高材生的男友,林作來頭亦不小。住半山,家境相當富裕;此外,他更是大律師清洪的高徒,畢業不久,已考到牌,尖子料。

麥明詩跟 Joe媽咪關係不錯,三人在慶祝派對合照兼有傾有講。

4月中, Joe Lam正式成為大律師,舉行慶祝派對,媽咪及女友麥明詩以及好友何猷亨都有出席。

「 Joe讀書好叻,喺英國貴族學校哈羅公校讀書嗰時考到獎學金,佢喺牛津讀完數學,再轉讀法律,舊年又得到香港大律師公會獎學金,今年已經成功考牌,係執業大律師。 Louisa(麥明詩)好欣賞佢, Joe副修哲學,好重視獨立思考,佢好支持 Louisa追尋自己理想,完全唔介意佢選港姐。選美初期, Louisa壓力大到匿埋屋企喊,瘦到得番唔夠一百磅,好彩有 Joe做佢後盾。」知情人說。

陶傑曾經邀請 Joe Lam(左一)上他的網台做節目嘉賓,大讚他年輕有為,其間更暗示他有個猛料女友。

當選晚上,麥明詩在無綫接受完連串訪問後,踩到凌晨三點先返到屋企,父母及做醫生的哥哥特地在大廈門口迎接。

陶傑在 fb大讚麥明詩,又暗示她的男友一定要牛津畢業才合襯。

何猷亨俾面

被稱才子的陶傑,亦好欣賞林作,曾邀請對方為其網上清談節目《青英會》做嘉賓。節目中,陶傑漏口風:「你( Joe)女友正在崛起,成為一個知名人士。」 Joe小心保護女友,只笑說:「好似係!」好得體。

今年四月,林作在香港舉行派對,慶祝進身大律師行列,麥明詩以女友身份出席,更同 Joe媽一起,幫手招呼賓客。當日到賀的來賓,包括何猷亨、周嘉儀、陶傑、寇鴻萍等,猷亨更留足全場,相當俾面。

扮 friend

經公司照肺,二人在週一晚完成工作後,突然友好,落車去餐廳食飯,幾乎全程拖住手。

麥明詩當選冠軍後,女仔擺明唔妥唔肯行埋去恭喜,有些更索性擰歪面。嘟姐唯有上前握手,化解尷尬場面。

無綫訓話

男友夠實力亦夠牙力,麥明詩參選期間被杯葛,全程做獨家村,全靠男友做心靈雞湯,但比賽當晚,加冕時被當透明,港姐變小學雞,公然「玩小器」,無綫對此甚為不滿,已經向亞軍龐卓欣及季軍郭嘉文訓話。

「其實樂(易玲)小姐同 Sandy(余詠珊)都唔鍾意 Ada(龐卓欣),覺得佢太鍾意蒲,攬仔玩得太喪,但今次係公投選三甲,大家都控制唔到。見到 Ada同郭嘉文喺台上唔理個冠軍,場面咁肉酸,公司都有出聲,俾人照過肺,之後佢兩個應該唔敢咁放肆。」知情人說。

保母睇實

亞軍龐卓欣向來寸嘴,為怕她失言,港姐保母一直陪實,她亦不敢回應記者任何問題。

訓練期間,亞軍龐卓欣(中)跟季軍郭嘉文(右一)已經傾得埋,會將平日活動合照放上 ig。

后冠加冕翌日,四人再出席記者會,已經識得碰杯飲香檳扮無事。

扮 friend拖實

無綫訓示一番後,龐卓欣和郭嘉文果然大為收斂。週一(八月三十一日)做完嘢,二人更預埋麥明詩一齊食晚飯。

龐卓欣被問到是否刻意孤立麥明詩時,她只笑不語;不過見記者舉機,便即刻拖住麥明詩扮 friend,兩個女拔校友,有排鬥。

麥明詩跟龐卓欣同出自 DGS女拔萃中學,龐卓欣雖不是十優生,但有個富爸爸在背後支持,故她一直信心爆棚。

麥明詩由頭帶到尾都被其他女仔杯葛,網民亦度了不少電視劇給她去演,部部都可反映她的心情。

才藝表演環節,二人都出盡力,麥明詩更因而多次走光。

眾矢之的

選美其中一條潛規則:只要出現一個特別標青,人氣盛的大熱人選,自動成為眾矢之的,其他陪跑佳麗,定必組黨杯葛,唔俾對方好過。

蔡思貝

13年,跟同屆陳凱琳均被視為大熱人選,不過一個識做人一個唔識,蔡思貝公開明寸對手平胸無身材外,又擦鞋擦出面,氹得曾志偉點名大讚,結果惹來其他女仔杯葛成獨孤精。

湯洛雯

老豆是湯鎮宗的湯洛雯,入圍即成大熱,雖然最終倒灶冇獎,仍被無綫睇好,開劇力捧,但訓練期間,已經被其他女仔踢出局。

許亦妮

賽前大熱的許亦妮,結果屈居 11年港姐季軍,參賽期間被指唔合群的她,就連當選後都被杯葛,當年的冠軍朱晨麗以及亞軍朱希敏亦毫不客氣,三人出席活動時,「雙朱」例會玩二對一。

撰文、攝影、攝錄:娛樂組

nextplus.nextmedia.com

鍾意就快D Share啦!