2015年9月11日 星期五

十優港姐遭冒認開微博 油尖旺都有一個! 港姐,





其他影片:>>






我要真普選。我仲要真微博。人怕出名,十優港姐加劍橋高材生麥明詩,就係要真微博。

喺今日之前,麥明詩係冇微博,佢得ig同fb,但就因為有好多人中伏、關注咗個假嘅麥明詩微博,佢惟有自己開番個真真正正麥明詩微博。佢話:「有不少朋友跟我說有人在微博冒充我,我不希望再有誤會。我暫時不太會用,但你們可以先關注這一個真account。」佢個微博,名叫「香港小姐麥明詩」 ( http://bit.ly/1gbuVVT ),暫時得一個po,就係三甲嗰張合照,寫住:「多謝大家支持!」

因為啱啱開,所以關注佢嘅人暫時得34個,而佢關注嘅人,竟然包括兩個假麥明詩微博,一個係報稱來自油尖旺,有4,412個關注,出咗成80個post,呢個A貨,竟然膽敢冒認麥明詩本人,用第一人稱講心路歷程,例如「2015香港小姐最緊張的一刻就快開始了,我剛剛試完衣服,你呢?」、「恭喜曬,佩欣,你有一次帶后冠的機會」、「真的好緊張,真的好像入三強,不過就算落選我都一樣甘開心,因為這次機會碑左我一個訓練自己的機會。」、「得咗冠軍之後太激動了,當時真繫好想哭~」真係代入得好真喎!但係呢,呢個「真繫」個「繫」(係)、「碑」(俾),令人不禁疑惑,係咪國語拼音寫出來。雖然,佢係用正體字……不過,你懂的。

最搞笑係,呢個A貨麥明詩,面對有人質疑係咪真嘅,佢就回應道:「大家好,好多人質疑我的認證。在沒選香港小姐之前我的聲樂是達到八級的,所以就用咗這個來認證。」明明係fake 0架喎!

另外仲有一個,報稱來自黑龍江齊齊哈爾,都有41個粉絲。另一個報稱來自香港嘅,暫時得零個post,都有832個粉絲。

我要真acc.呀!

你估下邊個係真嘅? 假。但呢個,假得嚟好真。
呢個都係來自油尖旺嘅,先至係正貨。
越係假,越要話俾人知佢係「真」。
麥明詩晚上於ig發聲明開真微博
真麥明詩關注埋假麥明詩
鍾意就快D Share啦!
Related Posts Plugin for WordPress, Blogger...